إعدادات العرض
((ب تهمهت دهمێ زڤڕۆكا خۆ یا ههیڤانه بمینه و خۆ بگره، پاشی سهرێ خۆ بشۆ))
((ب تهمهت دهمێ زڤڕۆكا خۆ یا ههیڤانه بمینه و خۆ بگره، پاشی سهرێ خۆ بشۆ))
عائیشایا دایكا باوهرداران (خودێ ژێ ڕازی بیت) دبێژیت: ئوم حهبیبهیا كچا جهحشی (كو ههڤژینا عهبدولڕهحمانێ كوڕێ عهوفی بوو) گازندهیا زێدهبوونا خوینێ بۆ پێغهمبهرێ خودێ (صهلات و سهلامێن خودێ ل سهر بن) كر، ئینا پێغهمبهری (صهلات و سهلامێن خودێ ل سهر بن) گۆتێ: ((ب تهمهت دهمێ زڤڕۆكا خۆ یا ههیڤانه بمینه و خۆ بگره، پاشی سهرێ خۆ بشۆ)). وێ ژی بۆ ههر نڤێژهكێ سهرێ خۆ دشویشت.
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Hausa Kurdî Português සිංහල Svenska ગુજરાતી Yorùbá ئۇيغۇرچە Tiếng Việt Kiswahili پښتو অসমীয়া دری or Čeština नेपाली Română Nederlands Soomaali Кыргызча తెలుగు Српски മലയാളം Kinyarwanda ಕನ್ನಡ Lietuvių Wolof Magyar ქართული Moore Українська Македонски Azərbaycan Malagasy Shqip Oromoo ไทย Deutsch मराठी ਪੰਜਾਬੀ አማርኛ O‘zbek Italiano ភាសាខ្មែរ မြန်မာالشرح
ئێك ژ ژنێن صهحابی گازنده بۆ پێغهمبهری (صهلات و سهلامێن خودێ ل سهر بن) كرن كو خوینا وێ ڕاناوهستیت و بهردهوام دهێته خوار. ئینا پێغهمبهری (صهلات و سهلامێن خودێ ل سهر بن) فهرمان ل وێ كر كو ب تهمهت دهمێ زڤڕۆكا خۆ یا ههیڤانه (بهری تووشی ڤێ ڕهوشێ ببیت) بمینیت و خۆ بگریت و نڤێژێ نهكهت، و دهمێ ئهڤ دهمه ب دویماهیك هات؛ سهرێ خۆ بشۆت و نڤێژا خۆ بكهت. ئهوێ ژی وهك سوننهت بۆ ههر نڤێژهكێ خۆ دشویشت.فوائد الحديث
(ئیستیحازه) ئهڤهیه: كو خوینا ژنێ بهردهوام بهێت، خۆ پشتی ب دویماهیك هاتنا ڕۆژێن زڤڕۆكا ههیڤانه یێن ئاسایی.
ئهو ژنا تووشی (ئیستیحازهیێ) بووی، ب تهمهت وان ڕۆژێن بهری هنگی ئهو تێدا دكهڤیته د زڤڕۆكا ههیڤانهدا و بهری تووشی ڤێ (ئیستیحازهیێ) ببیت دێ بۆ خۆ ب زڤڕۆكا ههیڤانه دانیت.
ئهگهر ڕۆژێن زڤڕۆكا وێ یا جاران ب دویماهیك هاتن و دهرباز بوون؛ ئێدی ئهو یا پاقژه -ههتا ئهگهر هێشتا ژی خوین بهێت- و دێ سهرێ خۆ شۆت.
ل سهر وێ ژنا تووشی (ئیستیحازهیێ) بووی واجب نینه بۆ ههر نڤێژهكێ سهرێ خۆ بشۆت؛ چونكی سهرشویشتنا وێ صهحابییێ ب (ئیجتیهاد) و حهز و ڤیانا وێ بوو، ئهگهر واجب با دا پێغهمبهر (صهلات و سهلامێن خودێ ل سهر بن) بۆ وێ دیار كهت.
پێدڤییه ل سهر وێ ژنا تووشی (ئیستیحازهیێ) بووی؛ ئهو بۆ ههر نڤێژهكێ دهستنڤێژێ بگریت، چونكی بێدهستنڤێژییا وێ یا بهردهوامه و ههر كهسێ بێدهستنڤێژییهكا بهردهوام ههبیت، وهكی وی یێ میزا وی ڕاناوهستیت یان ئهوێ بهردهوام با ژ زكێ وی دهێت؛ ئهڤان ژی ههمان حوكم بۆ ههیه.
پرسیاركرن ژ زانایان ل دۆر وان تشتێن ئایینی یێن بۆ مرۆڤی دبنه جهێ گومان و پرسیارێ، ههروهكی ڤێ ژنێ گازنده برییه دهڤ پێغهمبهری (صهلات و سهلامێن خودێ ل سهر بن) و پرسیار ژێ كری دهربارهی گهلهكییا وێ خوینا تووشی وێ دبیت.