إعدادات العرض
كارهكی نیشا من بده، ئهگهر من ئهنجام دا؛ پێ بچمه بهحهشتێ؟ گۆت: ((خودێ بپهرێسه و چ شریكان بۆ چێنهكه، نڤێژێن فهڕز دروست بكه، زهكاتا واجب بده،…
كارهكی نیشا من بده، ئهگهر من ئهنجام دا؛ پێ بچمه بهحهشتێ؟ گۆت: ((خودێ بپهرێسه و چ شریكان بۆ چێنهكه، نڤێژێن فهڕز دروست بكه، زهكاتا واجب بده، ڕۆژییێن ڕهمهزانێ بگره))
ئهبو هورهیره (خودێ ژێ ڕازی بیت) دبێژیت: عهرهبهكێ دهشتێ (ئهعرابی) هاته دهڤ پێغهمبهری (صهلات و سهلامێن خودێ ل سهر بن) و گۆت: كارهكی نیشا من بده، ئهگهر من ئهنجام دا؛ پێ بچمه بهحهشتێ؟ گۆت: ((خودێ بپهرێسه و چ شریكان بۆ چێنهكه، نڤێژێن فهڕز دروست بكه، زهكاتا واجب بده، ڕۆژییێن ڕهمهزانێ بگره)). گۆت: ئهز ب وی كهمه یێ نهفسا من د دهستیدا؛ ئهز تشتهكی ل سهر ڤانه زێده ناكهم. پاشی دهمێ ئهو زهلام چووی، پێغهمبهری (صهلات و سهلامێن خودێ ل سهر بن) گۆت: ((ههر كهسێ بڤێت بهرێ خۆ بدهته زهلامهكی ژ ئههلێ بهحهشتێ، بلا بهرێ خۆ بدهته ڤی زهلامی)).
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Kurdî Kiswahili Português සිංහල Svenska ગુજરાતી Yorùbá ئۇيغۇرچە Tiếng Việt Hausa پښتو অসমীয়া دری Кыргызча or नेपाली Čeština Română Nederlands Soomaali తెలుగు മലയാളം Српски Kinyarwanda ಕನ್ನಡ Lietuvių Shqip Wolof Українська Moore ქართული Magyar Македонски Azərbaycan Malagasy Oromoo Deutsch ไทย मराठी ਪੰਜਾਬੀ አማርኛ O‘zbek Italiano ភាសាខ្មែរ தமிழ் မြန်မာالشرح
زهلامهك ژ خهلكێ دهشتێ هاته دهڤ پێغهمبهری (صهلات و سهلامێن خودێ ل سهر بن) دا بهرێ وی بدهته كارهكی كو ببیته ئهگهرێ چوونا وی بۆ بهحهشتێ. پێغهمبهری ژی (صهلات و سهلامێن خودێ ل سهر بن) بهرسڤا وی دا كو چوونا بهحهشتێ و ڕزگاربوونا ژ ئاگرێ جههنهمێ یا گرێداییه ب ئهنجامدانا ستوینێن ئیسلامێڤه: ژ پهرستنا خودێ ب تنێ و كو تو چ شریكان بۆ وی چێنهكهی. ههروهسا ئهنجامدانا وان پێنج نڤێژێن خودێ د شهڤ و ڕۆژاندا ل سهر عهبدێن خۆ فهڕز كرین. و تو زهكاتا مالێ خۆ بدهی، ئهو مالێ خودێ ل سهر ته واجب كری و تو بدهیه كهسێن ژ ههژی. دیسان تو پاراستنێ ل سهر ڕۆژییێن ههیڤا ڕهمهزانێ د دهمێ واندا بكهی. ئینا وی زهلامی گۆت: ئهز ب وی كهمه یێ نهفسا من د دهستیدا؛ ئهز تشتهكی ژ عیبادهتی ل سهر ڤان كارێن فهڕز یێن من ژ ته گوهلێ بووین زێده ناكهم و تشتهكی ژێ كێم ژی ناكهم. پاشی دهمێ ئهو زهلام چووی، پێغهمبهری (صهلات و سهلامێن خودێ ل سهر بن) گۆت: ((ههر كهسێ بڤێت بهرێ خۆ بدهته زهلامهكی ژ ئههلێ بهحهشتێ، بلا بهرێ خۆ بدهته ڤی عهرهبێ دهشتێ)).فوائد الحديث
تهوحید و ئێكتاپهرستنا خودێ د عیبادهتیدا ئێكهم تشته دهستپێكێ د گازییا بۆ ڕێكا خودێ دهێته گۆتن.
بهسكرن ب فێركرنا كارێن فهر و پێدڤی بۆ وی كهسێ ژ نوی هاتییه د ناڤ ئیسلامێدا.
گازییا بۆ ڕێكا خودایێ مهزن پێدڤی ب پله پلهبوونی (تهدهروجێ) ههیه.
خهمخوری و ڕژدبوونا وی زهلامی ل سهر فێربوونا كاروبارێن ئایینێ خۆ.
ئهگهر موسلمان ب تنێ پێگیری واجبان بیت و چ تشتێن دی ل سهر زێده نهكهت ژی؛ دێ سهرفهراز بیت، بهلێ ئهڤه ب وێ ڕامانێ ناهێت مرۆڤ كێماسییێ د سوننهتاندا بكهت؛ چونكی سوننهت وان كێماسییان تهمام دكهن یێن د فهڕزاندا پهیدا دبن.
تایبهتكرنا هندهك عیبادهتان ب ناڤئینانێ، بهڵگهیه ل سهر گرنگییا وان عیبادهتان و هاندانێ ل سهر وان و ب وێ ڕامانێ ناهێت كو چ عیبادهتێن دی یێن واجب نینن.
التصنيفات
Manners of Scholars and Learners