إعدادات العرض
Ned ning sẽn wa n pʋʋsa fagirã, yẽ soab bee Wẽnd gũudum pʋgẽ
Ned ning sẽn wa n pʋʋsa fagirã, yẽ soab bee Wẽnd gũudum pʋgẽ
Yii a Gʋndub ɭbn Abdʋllaah Alƙʋsayry nengẽ -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: "Ned ning sẽn wa n pʋʋsa fagirã, yẽ soab bee Wẽnd gũudum pʋgẽ, sã n yaa woto, bɩ y modg tɩ Wẽnd ra wa bao yãmba A alkaoolẽ wã n ka yã ye, tɩ ad ned ning Wẽnd sẽn wa n bao A alkaoolẽ, A paamd-a lame, rẽ poorẽ t'A fũgun a nengã Gεhannem Bugmẽ wã".
[Sahih/Authentic.] [Muslim]
الترجمة
عربي বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Português മലയാളം తెలుగు Kiswahili தமிழ் မြန်မာ Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá Nederlands සිංහල Hausa ไทย دری ff hu it kn Кыргызча Lietuvių or ro rw Soomaali Српски uz नेपालीالشرح
Nabiyaamã -Wẽnd pʋʋsg la A tɩlgr be a yĩnga-kõta bikar tɩ ned ning sẽn pʋʋsa Fagirã, a soab bee Wẽnd gũudum la A gũub pʋgẽ, tɩ Wẽnd tusd wẽng n yit-a la A sõngd-a. Rẽ poorẽ tɩ Nabiyaamã -Wẽnd pʋʋsg la A tɩlgr be a yĩnga- bugs nebã, tɩ b ra wa tʋg n yidg alkaool-kãngã ye, zem tɩ yaa fagirã Pʋʋsg basgo, maa yaa fagir pʋʋsd la fo na n tʋg n maan wẽnga, ad ned ning sẽn maana rẽnda a soaba pargã gũudum-kãngã, n sõmb ne pʋleng wẽng ning sẽn yaa kεgenga, rẽ la Wẽnd sẽn na n kɩt t'a wa ne bũmb ninga a sẽn maan kʋɩɩng Wẽnd hakεẽ wã, la Wẽnd sẽn bao a soab me, A na n paam-a lame, rẽ poorẽ t'A rɩk-a n fũgun a nengã zugu Bugmã pʋgẽ.فوائد الحديث
Hadiisã wilgda fagir Pʋʋsg sẽn pak n ta zĩig ningẽ la a yel-sõmdã.
A maanda bugs kεgenga, tɩ b ra wa tʋg n maan wẽng ne ned ning sẽn pʋʋsd fagir ye.
A wilgda Wẽnd sẽn maan n rond ned ning sẽn wat n yekd Wẽnd nin-sõmbsã ne wẽnga.