الشرح

ਅੱਲਾਹ ਦੇ ਨਬੀ ﷺ ਦੱਸਦੇ ਹਨ ਕਿ ਜਿਸਨੇ ਫਜਰ ਦੀ ਨਮਾਜ਼ ਪੜ੍ਹ ਲਈ, ਉਹ ਅੱਲਾਹ ਦੀ ਸੁਰੱਖਿਆ ਤੇ ਨਿਗਰਾਨੀ ਵਿੱਚ ਹੁੰਦਾ ਹੈ; ਅੱਲਾਹ ਤਆਲਾ ਉਸ ਦੀ ਰੱਖਿਆ ਕਰਦਾ ਹੈ ਅਤੇ ਉਸ ਦੀ ਮਦਦ ਹੈ। ਫੇਰ ਆਪ ﷺ ਨੇ ਇਸ ਅਹਦ (ਵਾਅਦੇ) ਨੂੰ ਤੋੜਣ ਤੋਂ ਮਨਾਹ ਕਰ ਦਿੱਤਾ, ਜਿਸ ਦਾ ਇੱਕ ਰੂਪ ਇਹ ਹੈ ਕਿ ਫਜਰ ਦੀ ਨਮਾਜ਼ ਨੂੰ ਛੱਡ ਦਿੱਤਾ ਜਾਵੇ ਅਤੇ ਦੂਜਾ ਰੂਪ ਇਹ ਹੈ ਕਿ ਫਜਰ ਦੀ ਨਮਾਜ਼ ਪੜ੍ਹਨ ਵਾਲੇ ਵਿਅਕਤੀ ਨੂੰ ਨੁਕਸਾਨ ਪਹੁੰਚਾਇਆ ਜਾਵੇ ਜਾਂ ਉਸ 'ਤੇ ਜ਼ੁਲਮ ਕੀਤਾ ਜਾਵੇ। ਜਿਸ ਨੇ ਅਜਿਹਾ ਕੀਤਾ, ਉਸ ਨੇ ਅੱਲਾਹ ਦੀ ਸੁਰੱਖਿਆ ਨੂੰ ਭੰਗ ਕਰ ਦਿੱਤਾ ਅਤੇ ਇਸ ਸਖ਼ਤ ਚੇਤਾਵਨੀ ਦਾ ਹੱਕਦਾਰ ਬਣ ਗਿਆ ਕਿ ਅੱਲਾਹ ਉਸ ਨੂੰ ਆਪਣੇ ਹੱਕ ਵਿੱਚ ਕੋਤਾਹੀ (ਲਾਪਰਵਾਹੀ) ਕਰਨ ਦੇ ਕਾਰਨ ਸੱਦੇ ਅਤੇ ਜਿਸ ਨੂੰ ਅੱਲਾਹ ਸੱਦੇਗਾ, ਉਸਨੂੰ ਫੜ ਹੀ ਲਵੇਗਾ। ਫੇਰ ਉਸ ਨੂੰ ਉਸਦੇ ਮੂੰਹ ਦੇ ਬਲ ਜਹੰਨਮ ਦੀ ਅੱਗ ਵਿੱਚ ਸੁੱਟ ਦੇਵੇਗਾ।