الشرح

सहाबाहरूले नबी (सल्लल्लाहु अलैहि वसल्लम) लाई सोधे, हामी 'अत्तहिय्यातु' मा "अस्सलामु अलैक अय्युहन्नबिय्यु वरह्-मतुल्लाहि व बरकातुहु" द्वारा तपाईंलाई सलाम (अभिवादन) गर्ने तरिका सिकेका छौं, तर दरुद कसरी पठाउने "? त्यसपछि उहाँले दरुद पठाउने तरिका सिकाउनुभयो, जसको अर्थ हो : "अल्लाहुम्म सल्लि अला मुहम्मद्" हे अल्लाह! मल-इल्-आला (उत्कृष्ट र नजिकका फरिश्ताहरू) मा उहाँको उल्लेखनीय प्रशंसा गर्नुहोस् र उहाँका आस्थावान आफन्तहरू तथा अनुयायीहरूमाथि । "कमा सल्लैत अला इब्राहीम्" जसरी तपाईंले इब्राहीमको परिवारमाथि आशिर्वाद अवतरण गर्नुभएको छ । इब्राहीम्को परिवार भनेको इब्राहीम, इस्माइल, इसहाक र तिनीहरूका सन्तान र तिनीहरूका आस्थावान अनुयायीहरू हुन् । त्यसरी नै मुहम्मद (सल्लल्लाहु अलैहि वसल्लम) माथि आफ्नो अनुग्रह विस्तार गर्नुहोस् । "इन्नक हमीदुम्मजीद्" अर्थात : तपाईं आफ्नो स्वभाव, गुण र कर्ममा प्रशंसनीय हुनुहुन्छ र अपार महानता, महिमा र आशीर्वादको मालिक हुनुहुन्छ । "अल्लाहुम्म बारिक् अला मुहम्मद्, व अला आलि मुहम्मद्, कमा बारक्त अला इब्राहीम्" अर्थात्, उहाँलाई सबैभन्दा ठूलो भलाइ र सम्मान प्रदान गर्नुहोस् र यसमा अझै वृद्धि गर्नुहोस् र यसलाई स्थायी राख्नुहोस् ।