إعدادات العرض
Burya shetani iraza kuri umwe muri mwebwe ikamubwira iti: "Ni nde yaremye iki? Ni nde yaremye kirya?", gushika n'aho ivuga iti: "Ni nde yaremye Imana yawe Rurema?". Nivyashika rero aho ivuga ukwo, umuntu araca yikinga ku Mana Allah kugira Imukingire ingaruka y'inyoshambi zayo, maze ace areka…
Burya shetani iraza kuri umwe muri mwebwe ikamubwira iti: "Ni nde yaremye iki? Ni nde yaremye kirya?", gushika n'aho ivuga iti: "Ni nde yaremye Imana yawe Rurema?". Nivyashika rero aho ivuga ukwo, umuntu araca yikinga ku Mana Allah kugira Imukingire ingaruka y'inyoshambi zayo, maze ace areka gushishikara kuvyiyumvira
Mu vyakiriwe na Abu Hurayra (Imana Allah Imwishimire) yavuze ko Intumwa y'Imana (nyakugira amahoro n'impuhwe z'Imana Allah) yavuze iti: "Burya shetani iraza kuri umwe muri mwebwe ikamubwira iti: "Ni nde yaremye iki? Ni nde yaremye kirya?", gushika n'aho ivuga iti: "Ni nde yaremye Imana yawe Rurema?". Nivyashika rero aho ivuga ukwo, umuntu araca yikinga ku Mana Allah kugira Imukingire ingaruka y'inyoshambi zayo, maze ace areka gushishikara kuvyiyumvira".
الترجمة
العربية English မြန်မာ Svenska Čeština ગુજરાતી Yorùbá Nederlands اردو Español Bahasa Indonesia ئۇيغۇرچە বাংলা Bosanski සිංහල हिन्दी Tiếng Việt Hausa മലയാളം తెలుగు Kiswahili پښتو অসমীয়া Shqip دری Ελληνικά Български Fulfulde ಕನ್ನಡ Кыргызча Lietuvių or Română Kinyarwanda Српски тоҷикӣ O‘zbek नेपाली Moore Kurdî Wolof Soomaali Français Tagalog Azərbaycan Українська Bambara தமிழ் Deutsch ქართული Português Македонски Magyar فارسی Русский 中文 ភាសាខ្មែរ አማርኛ Malagasy Oromoo ไทย Dansk मराठी ਪੰਜਾਬੀ Türkçe Lingala Italianoالشرح
Intumwa y'Imana (nyakugira amahoro n'impuhwe z'Imana Allah) iravuga ku co umwemeramana yokora igihe shetani imwoheje biciye mu kuguma yibaza ibibazo, maze shetani ikavuga mu kumwosha ibaza iti: Ni nde yaremye iki? Ni nde yaremye kirya? Ni nde yaremye ijuru? Ni nde yaremye isi? aho umwemeramana aheza akishura yisunze idini ryiwe n'ukwemera-ndemanwa kwiwe, yisunze kandi ico ubwenge nya bwenge buvuga, ati: ni Allah. Ariko rero shetani, ntigarukiriza ng'aho mu kumutera amakenga n'inyoshambi, ahubwo iguma ishishikara kubaza gushika n'aho ivuga ibaza iti: Ni nde yaremye Imana yawe Rurema?, ico gihe rero, umwemeramana araheza akarwanya izo nyoshambi mu kuzikuramwo akoresheje ibintu bitatu: Ukwemera Imana Allah. Ukwikinga ku Mana Allah kugira Imukingire ingaruka mbi z'inyoshambi za shetani. Ukureka gushishikara yiyumvira ibijanye n'izo nyoshambi.فوائد الحديث
Ukwirengagiza inyoshambi za shetani no kudashishikara kuziyumvira, maze umuntu akagaruka ku Mana Allah Nyenuguhabwicubahiro nta ngere kugira Imukingire ingaruka mbi zazo.
Kirya kintu cose umuntu yiyumvamwo ku mutima mu nyoshambi ziciye kubiri n'amabwirizwa y'ubwislamu, kiba giturutse kuri shetani.
Birabujijwe kwiyumvira ku vyerekeye ukungene Imana Allah Iteye, igihimirijwe gukora kikaba ari ukwiyumvira ku vyerekeye ibiremwa vyayo n'ibimenyetso vyerekana ukubaho kwayo.