ពួកគាត់រៀនសូត្រគម្ពីរគួរអានពីរ៉ស៊ូលុលឡោះ ﷺ ចំនួនដប់អាយ៉ាត់ ហើយពួកគាត់មិនរៀនដប់អាយ៉ាត់ផ្សេងទៀតឡើយ…

ពួកគាត់រៀនសូត្រគម្ពីរគួរអានពីរ៉ស៊ូលុលឡោះ ﷺ ចំនួនដប់អាយ៉ាត់ ហើយពួកគាត់មិនរៀនដប់អាយ៉ាត់ផ្សេងទៀតឡើយ លុះត្រាតែពួកគាត់យល់ដឹង និងបានអនុវត្តនូវអ្វីដែលមានក្នុងអាយ៉ាត់ទាំងនោះសិន

អំពី អាពូអាប់ទុលរ៉ោះម៉ាន អាស្ស៊ូឡាមី រ៉ហ៊ីម៉ាហ៊ុលឡោះ បាននិយាយថា៖ សហ សហាហ្ពាត់ណាពី ﷺ ដែលដែលបានបង្រៀនយើងនូវគម្ពីរគួរអានបាននិយាយប្រាប់ពួកយើងថា ជាការពិតណាស់ ពួកគាត់រៀនសូត្រគម្ពីរគួរអានពីរ៉ស៊ូលុលឡោះ ﷺ ចំនួនដប់អាយ៉ាត់ ហើយពួកគាត់មិនរៀនដប់អាយ៉ាត់ផ្សេងទៀតឡើយ លុះត្រាតែពួកគាត់យល់ដឹង និងបានអនុវត្តនូវអ្វីដែលមានក្នុងអាយ៉ាត់ទាំងនោះសិន។ ពួកគាត់និយាយថា៖ ពួកយើងសិក្សាទាំងចំណេះដឹង និងការអនុវត្ត។

الشرح

បណ្តាសហាហ្ពាត់ رضي الله عنهم កាលណាពួកគាត់សិក្សាដប់អាយ៉ាត់នៃគម្ពីរគួរអានពីរ៉ស៊ូលុលឡោះ ﷺ គឺពួកគាត់មិនរំលងទៅសិក្សាអាយ៉ាត់បន្តទៀតឡើយ លុះត្រាតែពួកគាត់បានយល់ដឹង និងអនុវត្តនូវអ្វីដែលមានក្នុងអាយ៉ាត់ទាំងដប់នោះសិន។ ដូចនេះ ពួកគាត់សិក្សាទាំងចំណេះដឹង និងការអនុវត្តព្រមជាមួយគ្នា។

فوائد الحديث

ឧត្តមភាពរបស់បណ្តាសហាហ្ពាត់ رضي الله عنهم និងការយកចិត្តទុកដាក់របស់ពួកគាត់លើការសិក្សាគម្ពីរគួរអាន។

ការសិក្សាគម្ពីរគួរអាន គឺតាមរយៈការសិក្សាពីចំណេះដឹងនិងការអនុវត្តនូវអ្វីដែលមាននៅក្នុងវា ពុំមែនត្រឹមតែការសូត្រ និងទន្ទេញនោះឡើយ។

ចំណេះដឹងត្រូវមានមុនពាក្យសម្តី និងទង្វើ។