إعدادات العرض
بێژه: ژ خودێ پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ)، ل ڕۆژا قیامه‌تێ ئه‌ز دێ بۆ ته شاهده‌ییێ پێ ده‌م
بێژه: ژ خودێ پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ)، ل ڕۆژا قیامه‌تێ ئه‌ز دێ بۆ ته شاهده‌ییێ پێ ده‌م
ژ ئه‌بو هوره‌یره‌ی (خودێ ژێ ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته مامێ خۆ (ئه‌بو طالبی): ((بێژه: ژ خودێ پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ)، ل ڕۆژا قیامه‌تێ ئه‌ز دێ بۆ ته شاهده‌ییێ پێ ده‌م))، گۆت: ئه‌گه‌ر ژ به‌ر هندێ نه‌با قوڕه‌یشی دێ لۆمه‌ی من كه‌ن و دێ بێژن: ترسا ژ مرنێ ئه‌و بۆ ڤی كاری پالدا! ئه‌ز دا چاڤێن ته پێ ڕۆهن و گه‌ش كه‌م، ئینا خودێ ئه‌ڤ ئایه‌ته ئینا خوار: {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ } [القصص: 56]، ئانكو: ((هندى تويى تو ته‌وفيقا وى بۆ هيدايه‌تێ ناده‌ى يێ ته هيدايه‌تا وى بڤێت، به‌لكى ئه‌و چه‌نده ب ده‌ستێ خودێیه هه‌چییێ وى بڤێت ئه‌و به‌رێ وى بده‌ته ئيمانێ ئه‌و وى ب هيدايه‌ت دئينیت و ته‌وفيقا وى دده‌ت، ئه‌و ب وى زاناتره يێ هێژاى هـيـدايـه‌تـێ بیـت له‌و وى ب هيدايه‌ت دئينیت)).
الترجمة
العربية English မြန်မာ Svenska Čeština ગુજરાતી Yorùbá Nederlands اردو Español Bahasa Indonesia ئۇيغۇرچە বাংলা Bosanski සිංහල हिन्दी Tiếng Việt Hausa മലയാളം తెలుగు Kiswahili پښتو অসমীয়া Shqip دری Ελληνικά Български Fulfulde ಕನ್ನಡ Кыргызча Lietuvių Română Kinyarwanda Српски тоҷикӣ O‘zbek नेपाली Kurdî Wolof Moore Soomaali Français Українська Tagalog Azərbaycan தமிழ் Bambara Deutsch ქართული Português Македонски Magyar Русский 中文 فارسی ភាសាខ្មែរ አማርኛ Malagasy Oromoo ไทย मराठी ਪੰਜਾਬੀ Türkçe Lingala Italiano Danskالشرح
پێغه‌مبه‌ری (صه‌لات و سه‌لامێن خودێ ل سه‌ر بن) داخواز ژ مامێ خۆ ئه‌بو طالبی كر و ئه‌و د سه‌كه‌راتێن مرنێدا بوو كو شاهده بده‌ت و بێژیت: (لَا إِلَهَ إِلَّا اللهُ)، دا ل ڕۆژا قیامه‌تێ مه‌هده‌رێ بۆ وی پێ بكه‌ت و شاهده‌ییێ بۆ وی ل ده‌ڤ خودێ بده‌ت كو ئه‌و یێ موسلمان بووی، به‌لێ ئه‌و ڕازی نه‌بوو شاهده بده‌ت، ئه‌ڤه ژی ژ ترسێن هندێ قوڕه‌یشی خه‌به‌ران بێژنه وی و ده‌رباره‌ی وی بێژن: ئه‌و ژ ترسێن مرنێ و لاوازبوونێ موسلمان بوو، ڤێجا وی گۆته پێغه‌مبه‌ری (صه‌لات و سه‌لامێن خودێ ل سه‌ر بن): ئه‌گه‌ر نه ژ به‌ر ڤێ چه‌ندێ بایه؛ ئه‌ز دا ب گۆتنا په‌یڤا شاهده‌دانێ؛ كه‌یفخۆشییێ ئێخمه سه‌ر دلێ ته و دا هیڤییا ته بجھ ئینم، هه‌تا تو ڕازی دبووی! ئینا خودایێ مه‌زن ئه‌و ئایه‌ت ئینا خوار یا ئاماژه‌یێ ب وێ چه‌ندێ دكه‌ت كو پێغه‌مبه‌ری (صه‌لات و سه‌لامێن خودێ ل سه‌ر بن) شیانێن ڕاسته‌ڕێكرن هیدایه‌تا ته‌وفیقێ بۆ ئیسلامێ نینن، به‌لكی ئه‌و خودێ ب تنێیه ته‌وفیقا وی كه‌سێ وی دڤێت بۆ ڤێ چه‌ندێ دده‌ت، پێغه‌مبه‌ر ژی (صه‌لات و سه‌لامێن خودێ ل سه‌ر بن) ب دیاركرن و ڕوهنكرن و ڕێنیشاندان و گازیكرنێ بۆ ڕێكا ڕاست به‌رێ خه‌لكی دده‌ته دینێ خودێ.فوائد الحديث
ڕاستی ژ ترسێن ئاخڤتنێن خه‌لكی ناهێته هێلان.
پێغه‌مبه‌ری (صه‌لات و سه‌لامێن خودێ ل سه‌ر بن) هیدایه‌تا ڕێنیشاندانێ (ئیرشادێ) یا د ده‌ستیدا، نه‌كو هیدایه‌تا ته‌وفیقێ.
دروسته مرۆڤ سه‌ره‌دانا كافرێ نه‌ساخ بکەت دا گازی وی بكه‌ت بۆ ئیسلامێ.
ڕژدبوونا پێغه‌مبه‌ری (صه‌لات و سه‌لامێن خودێ ل سه‌ر بن) ل سه‌ر گازیكرنا بۆ دینێ خودایێ مه‌زن د هه‌می ڕه‌وشاندا.