إعدادات العرض
yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã
yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã
Yii a Abɩɩ Hʋrayrat nengẽ, -Wẽnd yard be a yĩnga- a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeela a saambɩbã: «yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã», tɩ saambɩba yeele: sã n ka Ƙʋrays-rãmbã sẽn na n wa zang maam yĩnga, n yetẽ tɩ yaa kũumã yεεsg la rabeem n kɩt tɩ m yeel gom-kãngã, m rag n na maag f sũuri ne gomdã yeelgo, wakat-kãngã tɩ Wẽnd na n sik Nabiyaamã zugu {Ad fo ka kãndgd fo sẽn noang-a soab ye, yaa Wẽnd n kãndagd A sẽn tʋlle} [Al-ƙasas: 56].
الترجمة
العربية English မြန်မာ Svenska Čeština ગુજરાતી አማርኛ Yorùbá Nederlands اردو Español Bahasa Indonesia ئۇيغۇرچە বাংলা Türkçe Bosanski සිංහල हिन्दी Tiếng Việt Hausa മലയാളം తెలుగు Kiswahili ไทย پښتو অসমীয়া Shqip دری Ελληνικά Български Fulfulde Italiano ಕನ್ನಡ Кыргызча Lietuvių Malagasy Română Kinyarwanda Српски тоҷикӣ O‘zbek नेपाली Kurdî Wolof Soomaali Français Oromoo Українська Tagalogالشرح
Bee hadiisã pʋgẽ, tɩ Nabiyaamã (Wẽnd pʋʋsg la A tɩlgr be a yĩnga),kosa a saambɩbã, n mik t’a bee kũum bõrb pʋga, t’a yeel tɩ soab sẽn na n tũ n tɩlg ka be rẽnda Wẽnde, bʋɩl yĩnga tɩ Nabiyamã, (Wẽnd pʋʋsg la A tɩlgr be a yĩnga), na sugs-a n kẽesa arzãnã dũni yikr raare, gom-kãngã sababo, la a maan kaset t’a yaa lɩslaama, la a saambɩbã tõdgame, n ka na n yeel sahdã, n yεεsdẽ tɩ b na n wa yõd n tʋ-a lame, n yeel-a tɩ kũumã yεεsg yĩng n kɩt t’a tuubi, tɩ Ƙʋrays-rãmb na n wa yetẽ tɩ kũumã yεεsg yĩnga la a sẽn yaa valengã n kɩt t’a tuuba, rẽnd a yeela Nabiyaama tɩ sã n ka rẽ yĩnga, m rag n na maan-f sũ-noogo, ne m sẽn na n yeel sahdã, la m pids foom f tẽebã, wakat-kãngã la Wẽnd sik Aayar sẽn teesde, n wilgd tɩ Nabiyamã, (Wẽnd pʋʋsg la A tɩlgr be a yĩnga), ad a ka tar tõog n tõe n peeg ned n kẽes dĩinã ye, ka woto ye, Wẽnd A Yembr tãa, Yẽnda n maand A sẽn tʋlla soaba sεgl sõngo, la Nabiyamã, (Wẽnd pʋʋsg la A tɩlgr be a yĩnga), a peegda bon-naandsã, la a tees-ba la a vẽneg n wilg-ba, la a kãndg-ba, la a bool-ba n tʋg sor ning sẽn yaa tɩrgã.فوائد الحديث
Hadiisã wilgdame tɩ ned ka sõmb n bas sɩd yeelg nebã yεεsg yĩnga ye.
Hadiisã wilgdame tɩ Nabiyaamã, (Wẽnd pʋʋsg la A tɩlgr be a yĩnga), bũmb ninga a sẽn tõe wã yaa teesgã, la ka ( tawfɩɩk) sεgl sõngã peegr ye.
Wilgdame tɩ sakdame sãri wã pʋgẽ, tɩ f tʋg n kaag kɩfr sẽn yaa bãada, bʋɩl yĩng tɩ f na bool-a n tʋg lɩslaoongã.
Wilgda Nabiyaamã, (Wẽnd pʋʋsg la A tɩlgr be a yĩnga),sẽn tar yã-beedo ne a na bool n tʋg Wẽnd sorã pʋgẽ wã, A Naam zẽkame, sẽn yaa halhaal ning fãa.