فوائد الحديث

ಬಹುದೇವವಿಶ್ವಾಸಿಗಳಿಗೆ, ಕ್ಷಮೆಯಾಚನೆ ಮಾಡುವುದನ್ನು ನಿಷೇಧಿಸಲಾಗಿದೆ. ಈ ವಿಷಯದಲ್ಲಿ ಅವರ ರಕ್ತಸಂಬಂಧ, ಕರ್ಮಗಳು ಅಥವಾ ಉಪಕಾರಗಳು ಮುಂತಾದ ಯಾವುದನ್ನೂ ಗಣನೆಗೆ ತೆಗೆದುಕೊಳ್ಳಬಾರದು.

ಅಸತ್ಯದ ಮಾರ್ಗದಲ್ಲಿ ಪೂರ್ವಜರನ್ನು ಮತ್ತು ಹಿರಿಯರನ್ನು ಅಂಧಾನುಕರಣೆ ಮಾಡುವುದು ಅಜ್ಞಾನಕಾಲದ ಜನರ ಅಭ್ಯಾಸವಾಗಿದೆ.

ಜನರನ್ನು ಇಸ್ಲಾಂ ಧರ್ಮಕ್ಕೆ ಕರೆಯಲು ಮತ್ತು ಅವರಿಗೆ ಸನ್ಮಾರ್ಗ ತೋರಿಸಲು ಪ್ರವಾದಿಯವರು (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಹೊಂದಿದ್ದ ಪೂರ್ಣ ಸಹಾನುಭೂತಿ ಮತ್ತು ಉತ್ಸಾಹವನ್ನು ತಿಳಿಸಲಾಗಿದೆ.

ಅಬೂ ತಾಲಿಬ್ ಇಸ್ಲಾಂ ಧರ್ಮ ಸ್ವೀಕರಿಸಿದ್ದಾರೆಂದು ವಾದಿಸುವವರಿಗೆ ಇದರಲ್ಲಿ ಉತ್ತರವಿದೆ.

ಕರ್ಮಗಳಲ್ಲಿ ಅಂತಿಮವಾಗಿರುವುದೇ ನಿರ್ಣಾಯಕವಾಗಿವೆ.

ಲಾಭವನ್ನು ತರಲು ಅಥವಾ ಹಾನಿಯನ್ನು ದೂರೀಕರಿಸಲು ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಮೇಲೆ ಅವಲಂಬಿತರಾಗುವುದು ವ್ಯರ್ಥವಾಗಿದೆ.

ಯಾರು ಜ್ಞಾನ, ದೃಢನಂಬಿಕೆ ಮತ್ತು ವಿಶ್ವಾಸದಿಂದ "ಲಾಇಲಾಹ ಇಲ್ಲಲ್ಲಾಹ್" (ಅಲ್ಲಾಹನ ಹೊರತು ಆರಾಧನೆಗೆ ಅರ್ಹರಾದ ಬೇರೆ ದೇವರಿಲ್ಲ) ಎಂದು ಹೇಳುತ್ತಾರೋ ಅವರು ಇಸ್ಲಾಂ ಧರ್ಮದಲ್ಲಿ ಪ್ರವೇಶಿಸುತ್ತಾರೆ.

ಕೆಟ್ಟ ಸಹಚರರು ಮತ್ತು ದುಷ್ಟ ಸಂಗಡಿಗರಿಂದ ಮನುಷ್ಯನಿಗೆ ಹಾನಿ ಉಂಟಾಗುತ್ತದೆ.

"ಲಾಇಲಾಹ ಇಲ್ಲಲ್ಲಾಹ್" (ಅಲ್ಲಾಹನ ಹೊರತು ಆರಾಧನೆಗೆ ಅರ್ಹರಾದ ಬೇರೆ ದೇವರಿಲ್ಲ) ಎಂದರೆ, ವಿಗ್ರಹಾರಾಧನೆ, ಮಹಾಪುರುಷರು (ಔಲಿಯಾ) ಮತ್ತು ಸಜ್ಜನರನ್ನು ತೊರೆದು ಆರಾಧನೆಯನ್ನು ಅಲ್ಲಾಹನಿಗೆ ಮಾತ್ರ ಸೀಮಿತಗೊಳಿಸುವುದಾಗಿದೆ. ಬಹುದೇವವಿಶ್ವಾಸಿಗಳು ಅದರ ಅರ್ಥವನ್ನು ತಿಳಿದಿದ್ದರು.

ರೋಗಿಯಾಗಿರುವ ಬಹುದೇವವಿಶ್ವಾಸಿಯು ಇಸ್ಲಾಂ ಸ್ವೀಕರಿಸಬಹುದೆಂಬ ನಿರೀಕ್ಷೆಯಿದ್ದರೆ ಅವನನ್ನು ಸಂದರ್ಶಿಸಬಹುದು.

ಹಿದಾಯತು-ತ್ತೌಫೀಕ್ (ಹೊಂದಿಸಿಕೊಡುವ ಅಥವಾ ಸತ್ಯವನ್ನು ಸ್ವೀಕರಿಸಲು ಸುಗಮಗೊಳಿಸುವ ಮಾರ್ಗದರ್ಶನ) ಕೇವಲ ಅಲ್ಲಾಹನ ಕೈಯಲ್ಲಿದೆ. ಅದರಲ್ಲಿ ಅವನು ಏಕೈಕನು ಮತ್ತು ಅವನಿಗೆ ಯಾವುದೇ ಸಹಭಾಗಿಗಳಿಲ್ಲ. ಸಂದೇಶವಾಹಕರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಕರ್ತವ್ಯವು ಸರಿಯಾದ ದಾರಿ ಯಾವುದೆಂದು ತೋರಿಸಿಕೊಡುವುದು, ಮಾರ್ಗದರ್ಶನ ಮಾಡುವುದು ಮತ್ತು ಸಂದೇಶವನ್ನು ತಲುಪಿಸುವುದು ಮಾತ್ರವಾಗಿದೆ.