الشرح

Nabiyaamã (Wẽnd pʋʋsg la A tɩlgr be a yĩnga) a yɩɩme n rag n yet faril fãa Pʋʋsg poorẽ: "laa ɩlaaha ɩlla-Llɑahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr, allaahʋmma laa maanɩ-ʿa lɩmaa aʿaṭayta, walaa mʋʿʋṭɩya lɩmaamana-ʿata, walaa yanfa-ʿʋ zalǧaddɩ minka alǧaddʋ". Rat n na n yeele: M reega m zugẽ la m sak ne Wẽn-yembgã gomdã, sẽn yaa: "laa ɩlaaha ɩllaa-Allɑɑhʋ" wã, rẽnd tũudum sɩd-sɩda m maand-a-la Wẽnd yĩnga, rẽnd tũudã sɩd-sɩd ka be sã n ka Wẽnd ye, la m reeg m zugẽ tɩ Naam sẽn pid sɩd-sɩda yaa Wẽnd n so, la saasẽ la tẽngẽ rãmbã pẽgrã sõmbame tɩ Yaa Wẽnd A Yembr n so, bala yaa Yẽnda la Tõoda ne bũmbã fãa, la Wẽnd sẽn kord (pʋlem) bũmb ningã sẽn yaa kũuni wɑlɑ mongre bũmb ka tõe n gɩdg-a ye, la Wẽnd nengẽ rakãagr rakãalem ka tõe n fãag-a beenẽ ye, la yaa tʋʋm sõngo n nafde.