إعدادات العرض
မုအ်မင်န် တစ်ဦးသည် (မိမိဇနီးသည်) မုအ်မင်န် အမျိုးသမီးအား မမုန်းတီးရပေ။ အကယ်၍ သူသည် သူမ၏…
မုအ်မင်န် တစ်ဦးသည် (မိမိဇနီးသည်) မုအ်မင်န် အမျိုးသမီးအား မမုန်းတီးရပေ။ အကယ်၍ သူသည် သူမ၏ အကျင့်စရိုက်တစ်ခုကို မကြိုက်ခဲ့လျှင် အခြားတစ်ခုဖြင့် ကျေနပ်လိုက်ရမည်။
အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်။ မုအ်မင်န် တစ်ဦးသည် (မိမိဇနီးသည်) မုအ်မင်န် အမျိုးသမီးအား မမုန်းတီးရပေ။ အကယ်၍ သူသည် သူမ၏ အကျင့်စရိုက်တစ်ခုကို မကြိုက်ခဲ့လျှင် အခြားတစ်ခုဖြင့် ကျေနပ်လိုက်ရမည်။ သို့မဟုတ် (အခြားတစ်မျိုးဖြင့်)ဟု ကိုယ်တော်က ပြောခဲ့သည်။
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी සිංහල Hausa Kurdî Kiswahili Português دری অসমীয়া Tiếng Việt Svenska Yorùbá Кыргызча ગુજરાતી नेपाली Română മലയാളം Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Українська Čeština Magyar Македонски Lietuvių Azərbaycan Wolof Malagasy Oromoo ไทย Deutsch मराठी ਪੰਜਾਬੀ አማርኛ O‘zbek ភាសាខ្មែរ Shqip தமிழ்الشرح
တမန်တော်မြတ် ( ဆွလ္လလ္လာဟုအလိုင်းဟိဝစလ္လမ်)သည် ခင်ပွန်းသည်အား မိမိ၏ဇနီးသည်အပေါ် မတရားမှု၊ စွန့်ပစ်မှု၊ ကျောခိုင်းမှုသို့ ဦးတည်စေမည့် မုန်းတီးမှုမျိုးကို တားမြစ်တော်မူခဲ့သည်။ မပြည့်စုံမှုသည် လူ့သဘာဝပင်ဖြစ်သည်။ ခင်ပွန်းအနေဖြင့် ဇနီးသည်၏ မကောင်းသည့် အကျင့်စရိုက်တစ်ခုကို မနှစ်သက်လျှင်လည်း သူမ၌ အခြားကောင်းမွန်သည့် အကျင့်စရိုက်တစ်ခုကို တွေ့ရှိမည်ပင်ဖြစ်သည်။ သို့ဖြစ်၍ မိမိနှစ်သက်သည့် ကောင်းမွန်သည့်အချက်ဖြင့် ကျေနပ်လိုက်ရမည်ဖြစ်ပြီး မိမိမနှစ်သက်သည့် မကောင်းသည့်အချက်ပေါ် သည်းခံရမည်ဖြစ်သည်။ ထိုအချက်ကပင် ခင်ပွန်းသည်အား မိမိဇနီးကို ခွဲခွာချင်လောက်အောင် မုန်းတီးမှုမျိုး မဖြစ်စေဘဲ သည်းခံမှုရရှိစေမည်ဖြစ်သည်။فوائد الحديث
မုအ်မင်န် အမျိုးသားများအား တရားမျှတမှုရှိရန်၊ ဇနီးသည်နှင့် ဖြစ်ပေါ်လာသည့် အငြင်းပွားမှုတိုင်းအတွက် ဉာဏ်ပညာရှိစွာ ဆုံးဖြတ်ရန်၊ စိတ်ခံစားချက်နှင့် ယာယီဖြစ်ပေါ်လာသော ခံစားချက်များအပေါ်မူတည်၍ ဆုံးဖြတ်ခြင်းမပြုရန် ဖိတ်ခေါ်ထားသည်။
မုအ်မင်န်သည် ဇနီးဖြစ်သူ မုအ်မင်န်အမျိုးသမီးအား ခွဲခွါခြင်းကိုဖြစ်စေမည့် လုံးဝမုန်းတီးခြင်းမျိုးဖြင့် မမုန်းသင့်ပေ။ ထိုအစား ၎င်းအနေဖြင့် မိမိမနှစ်သက်သည့်အရာကို မိမိနှစ်သက်သည့်အရာဖြင့် အစားထိုးကာ လျစ်လျူရှုလိုက်ရမည်။
ဇနီးမောင်နှံ နှစ်ဦးကြားတွင် ကောင်းမွန်သည့် ဆက်ဆံရေးရှိရန် တိုက်တွန်းထားသည်။
အီမာန်ယုံကြည်မှုသည် ကောင်းမြတ်သည့် ကိုယ်ကျင့်တရားများကို ဖိတ်ခေါ်သည်။ သို့ဖြစ်၍ မုအ်မင်န် အမျိုးသား၊ အမျိုးသမီးတိုင်းသည် ကောင်းမြတ်သည့် ကိုယ်ကျင့်တရားရှိရမည်။ အီမာန်ယုံကြည်မှုသည် ၎င်းတို့နှစ်ဦးစလုံး၌ ချီးမွမ်းထိုက်သည့် အရည်အသွေးများရှိနေရန် တောင်းဆိုနေသည်။