إعدادات العرض
“जब तिमीहरूमध्ये कसैले वुजू गर्छ, उसले नाकमा पानी हालेर राम्रोसँग सफा गरोस् र जसले इस्तिन्जा (ढुंगा आदिले…
“जब तिमीहरूमध्ये कसैले वुजू गर्छ, उसले नाकमा पानी हालेर राम्रोसँग सफा गरोस् र जसले इस्तिन्जा (ढुंगा आदिले शुद्धता प्राप्त) गर्छ, उसले विजोर सङ्ख्या प्रयोग गरोस्
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नुभएको छ : “जब तिमीहरूमध्ये कसैले वुजू गर्छ, उसले नाकमा पानी हालेर राम्रोसँग सफा गरोस् र जसले इस्तिन्जा (ढुंगा आदिले शुद्धता प्राप्त) गर्छ, उसले विजोर सङ्ख्या प्रयोग गरोस् । तिमीहरूमध्ये कोही निद्राबाट ब्यूँझन्छ, उसले भाँडोमा हात हाल्नुअघि आफ्नो हातलाई धुनुपर्छ । किनकि रातमा उसको हात कहाँ गयो उसलाई थाहा हुँदैन ।" सहीह मुस्लिमका शब्दहरू यस प्रकार छन्: "जब तिमीहरूमध्ये कोही निद्राबाट ब्यूँझन्छ, उसले आफ्नो हात तीन पटक नधोएसम्म भाँडामा डुबाउनु हुँदैन, किनकि उसलाई थाहा छैन उसको हातले रात कहाँ बिताएको छ ।"
الترجمة
ar bn bs en es fa fr id ru tl tr ur zh hi vi si ug ha pt ku sw sv cs gu yo ps as prs ky or ro rw te lt ml nl so sq sr de uk kn wo mos ka az hu ta mk my am mgالشرح
नबी (सल्लल्लाहु अलैहि वसल्लम) ले तहारत (पवित्रता) का केही नियमहरुको व्याख्या गर्नुभएको छ, जस्तै: १- वुजू गर्ने व्यक्तिले एक श्वासद्वारा नाकमा पानी हाल्नु पर्छ त्यसपछि अर्को श्वासद्वारा बाहिर छोड्नुपर्छ । २- दिसापिसाब गरेपछि पानी बाहेक अन्य वस्तु जस्तै ढुङ्गा इत्यादिले मलमूत्रलाई सफाई गर्न चाहने व्यक्तिले बिजोर संख्यामा ढुङ्गा आदि प्रयोग गर्नुपर्छ । न्यूनतम संख्या तीन हो र अधिकतम संख्या जतिमा फोहर र स्थान पवित्र होस् । ३- राती सुतेर उठ्ने व्यक्तिले वुजू गर्न भाँडामा हात हाल्नु अघि आफ्नो हात तीन पटक बाहिर धुनुपर्छ । किनकि सुतिरहेको अवस्थामा उसको हात कहाँ कहाँ पुग्यो उसलाई थाहा हुँदैन । यस्तो अवस्थामा उसको हातमा फोहोर हुने सम्भावना रहन्छ । त्यस्तै शैतानले उसको हातसंग खेलवाड गरेको वा मानवको लागि हानिकारक वा पानी प्रदूषित गर्ने केही चीज उसको हातमा राखेको हुनसक्छ ।فوائد الحديث
वुजू गर्दा एक श्वासद्वारा नाकमा पानी तान्नु पर्छ, जसलाई 'इस्तिनशाक' भनिन्छ र त्यसैगरी अर्को श्वासद्वारा पानी छाड्नु पर्छ, जसलाई 'इस्तिनसार' भनिन्छ ।
इस्तिन्जाका लागि बिजोर संख्याको ढुङ्गा प्रयोग गर्नु मुस्तहब हो ।
राति सुतेर उठेपछि दुवै हात तीन पटक धुनु पर्छ ।