فوائد الحديث

Iyi nyigisho y'intumwa, ni umushinge wisungwa mu gushinga ingingo ngenderwako zijanye n'ukwonsa.

Ibnu Hajari yavuze ati: "Insiguro y'iryungane: "Ukwonsa kuziririza ibisanzwe biziririjwe n'ukuvukana kw'amaraso", ni uko ukwonsa kurekurira umuntu ivyo arekuriwe ku mvo z'ukuvukana, ivyo bikaba vyarahurijweko n'abamenyi mu bijanye n'ingingo yo kuziririza kwabirana n'izindi ngingo zijanye n'inkurikizi zo kwabira, iziririzwa ribandanya hagati y'uwonkejwe n'abana b'uwamwonkeje, uguhabwa ikibanza c'abavukana basangiye amaraso ; mu kuba barekuriwe kurabana ahatarekuriwe abandi ata co bapfana, kwikebukana bari bonyene, hamwe rero no gufatana urugendo, ariko rero ukwonswa nta ngingo z'inkurikizi zishingiye ku kuba uwamwonkeje yitwa nyina, ingingo zifatwa mu bijanye no gutorana, gutanga uburyo bwo kumubeshaho, gutanga ubwigenge bw'uwo agaba akaganza, kuba icabona, kumwishinga hamwe rero no kutamwihorera mu kwicwa.

Kwemeza ingingo yuko ukwonsa kuziririza iziririzwa ryamaho.

Hari izindi nyigisho zerekana ko ukwonsa kuziririza kuvugwa ng'aho, ari mu gihe umwana yoba yaronkejwe incuro zitanu zizwi neza, kandi akaba yonse izo ncuro agifise imyaka ibiri ya mbere y'amavuko.

Ba kizira ku muntu hisunzwe amaraso, ni: Nyina, harimwo na inakuru kubandanya uduga ku ruhande rwa nyina canke rwa se. Abakobwawe, harimwo n'abana babo b'abakobwa hamwe n'abana b'abakobwa bavuka ku bana biwe b'abahungu kubandanya umanuka. Bashikiwe, baba ari bashikiwe basangiye se na nyina, canke bashikiwe kuri umwe gusa mu bavyeyi. Ba inasenge, harimwo na bashiki ba se basangiye se na nyina canke basangiye gusa umwe muri bo, harimwo kandi na bashiki ba sekuru kubandanya uduga. Ba nyinabo, harimwo na banewabo b'abakobwa basangiye se na nyina canke umwe gusa muri bo, hakabamwo na benewabo na inakuru b'abakobwa kubandanya uduga, baba ari ba inakuru ku ruhande rwa se gusa canke ku ruhande rwa nyina gusa. Abakobwabo, baba ari abakobwa ba mwenewabo w'umuhungu canke w'umukobwa, harimwo n'abana babo b'abakobwa, kubandanya umanuka.

Ba kizira ku muntu hisunzwe ugusangira ibere: Ugusangira ibere kuziririza birya nyene biziririzwa n'ugusangira amaraso, ku buryo umukobwa uwo ari we wese ari kizira ku muntu hisunzwe amaraso, aba ari kizira kuri we no mu gihe hisunzwe ugusangira ibere; kiretse ko nyina wa mwenewabo w'umuhungu na mushiki w'umwana wiwe w'umuhungu basangiye ibere, abo bataba ari ba kizira kuri we.