فوائد الحديث

Ang ḥadīth ay isang panuntunan sa mga patakaran sa pagpapasuso.

Nagsabi si Ibnu Ḥajar: Ang sabi niya na: "Ang pagkapasuso ay nagbabawal sa [gaya ng] ipinagbabawal ng pagkapanganak" ay nangangahulugang: "nagpapahintulot sa [gaya ng] ipinahihintulot ..." Ito, ayon sa pagkakabuklod ng hatol, ay hinggil sa anumang nauugnay sa pagbabawal ng pagkakasal at mga kaugnay nito, pagkalaganap ng pagkabawal ng pagpapakasal sa pagitan ng pasusuhin at mga anak ng tagapagpasuso, at paglalagay sa kanila sa kalagayan ng mga kamag-anak kaugnay sa pagkapayag sa pagtingin, pag-iisa (privacy), at pakikipaglakbay subalit hindi inireresulta rito ang nalalabi sa mga patakaran ng pagkaina gaya ng pagmamanahan at pagkakinakailangan ng paggugol, pagpapalaya dahil sa pagkamay-ari [bilang alipin], pagsaksi, pagkaisip, at pagkaalis ng ganting-pinsala (qaṣāṣ).

Ang pagpapatibay sa patakaran ng pagbabawal dahil sa pagpapasuso sa isang pagbabawal na pinamalagi.

Nagpatunay ang mga iba pang ḥadīth na ang pagbabawal dahil sa pagkapasuso ay napagtitibay sa pamamagitan ng limang pagpapasusong nalalaman at na ito ay maging nasa loob ng unang dalawang taon [ng bata].

Ang mga babaing ipinagbabawal mapangasawa dahil sa kaangkanan ay ang mga ina at napaloloob sa kanila ang mga lola gaano man napataas ang mga ito, mula sa panig ng ina o ama; ang mga babaing anak at napaloloob sa kanila ang mga babaing anak ng mga babaing anak at ang mga babaing anak ng mga lalaking anak gaano man napababa ang mga ito; ang mga babaing kapatid, maging sila man ay mula sa panig ng ama at ina o mula sa panig ng isa sa mga magulang; ang mga tiyahin sa ama at napaloloob sa kanila ang lahat ng mga babaing kapatid ng ama, na mga buong babaing kapatid at hindi mga buong babaing kapatid at gayon din ang lahat ng mga babaing kapatid ng mga lolo gaano man napataas ang mga ito; ang mga tiyahin sa ina at napaloloob sa kanila ang lahat ng mga babaing kapatid ng ina, na mga buong babaing kapatid at hindi mga buong kapatid at gayon din ang lahat ng mga babaing kapatid ng mga lola gaano man napataas ang mga ito, maging sila man ay mga lola mula sa panig ng ama o mula sa panig ng ina; at ang mga babaing anak ng lalaking kapatid at ang mga babaing anak ng babaing kapatid at napaloloob sa kanila ang mga babaing anak ng mga ito gaano man napababa ang mga ito.

Ang mga babaing ipinagbabawal mapangasawa dahil sa pagpapasuso sapagkat ibinabawal dahil sa pagpapasuso ang ibinabawal dahil sa kaangkanan. Kaya ang bawat babaing ibinawal mapangasawa dahil sa kaangkanan ay ibinawal mapangasawa ang tulad niya dahil sa pagpapasuso maliban sa ina ng lalaking kapatid at babaing kapatid ng anak mula sa pagpapasuso sapagkat hindi ito ibinabawal.