إعدادات العرض
Konka ibere rimwe biziririza nk'ibyo kuvukana mu nda imwe biziririza
Konka ibere rimwe biziririza nk'ibyo kuvukana mu nda imwe biziririza
Hadith yaturutse kwa Aishat (Imana imwishimire) yavuze ko Intumwa y'Imana (Imana iyihe amahoro n'imigisha) yavuze iti: "Konka ibere rimwe biziririza nk'ibyo kuvukana mu nda imwe biziririza."
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල دری অসমীয়া پښتو O‘zbek Tiếng Việt Македонски Kiswahili ភាសាខ្មែរ ਪੰਜਾਬੀ తెలుగు ไทย Moore አማርኛ Magyar Azərbaycan ქართული ಕನ್ನಡ ગુજરાતી Українська Shqip Кыргызча Српски тоҷикӣ Wolof Čeština தமிழ் नेपाली മലയാളം kmr ms Lietuviųالشرح
Intumwa y'Imana (Imana iyihe amahoro n'imigisha) yagaragaje ko ibiziririjwe hagati y'abavukana mu nda imwe, ari na byo biziririjwe abonse ibere rimwe nko kuba umuntu ari nyirarume w'undi cyangwa se se wabo cyangwa se umuvandimwe we,... kandi konka ibere rimwe bizirura ibizirurwa no kuva inda imwe.فوائد الحديث
Iyi Hadith niyo shingiro mu mategeko ajyanye no konsa.
Umumenyi Ibun Hadjar yaravuze ati: Iyi mvugo yayo ivuga ko (Ibiziririjwe abavuka inda imwe ari nabyo biziririjwe abonse rimwe) bisobanuye ko ibyo baziruriwe biba biziruye ari byo abamenyi bemeranyijeho bavuga bati: Nko gushyingiranwa hagati yabo n'ibijyana nabyo, no kuba ari ikizira hagati yabo gushyingiranwa n'abana b'uwo wabonkeje, ndetse bafatwa nk'abavandimwe ba bugufi mu kuba byemewe kumureba no kwihererana nawe ndetse no gukorana urugendo. Ariko ntibyubakiyeho andi mategeko nk'ayagenga umuntu kuba nyina w'abandi by'umwihariko mu bijyanye no kuzungurana, no kuba ari itegeko kubaha ibibatunga, no kumukura mu bucakara, no gutangwaho umuhamya, n'impozamarira no kutihorera.
Gushimangira itegeko ryo kuziririza abonse ibere rimwe mu buryo bwa burundu.
Hadith zindi zagaragaje ko kuziririza abonse ibere rimwe bishimangirwa no kubonsa inshuro eshanu zizwi, kandi bikaba mu myaka ibiri ya mbere.
Abaziririjwe gushyingiranwa kubera kuva inda imwe ni: Ba Nyina w'umuntu, hakinjiramo na ba nyirakuru mu ruhande rwa nyina cyangwa se rwa se kuzamura. Abakobwa b'umuntu hakaninjiramo abuzukuru be babyarwa n'umukobwa we, ndetse n'ababyarwa n'umuhungu we kumanura. Bashiki b'umuntu baba ari abo ku ruhande rwa se cyangwa se ku ruhande rwa nyina, cyangwa se ku ruhande rw'umwe muri bombi. Ba nyirasenge b'umuntu aho haravugwamo bashiki ba se w'umuntu bose baba bavukana ku babyeyi bombi cyangwa se atari ko bimeze, ndetse na bashiki ba sekuru bose kuzamura. Ba Nyina wabo w'umuntu aha hinjiramo abavukana na nyina w'umuntu bose b'igitsinagore baba ari abo ku babyeyi bombi, cyangwa se atari ko bimeze, n'abavukana na ba nyirakuru gukomeza, baba ari abo ku ruhande rwa se cyangwa se kwa nyina. Abisengeneza ku ruhande rw'umuhungu n'urw'umukobwa, aha hinjiramo n'abakobwa babo kumanura.
Abaziririjwe gushyingiranwa kubera kuvuka mu inda imwe, nibo baziririjwe ku bonse ibere rimwe, niyo mpamvu buri mugore wese uziririjwe gushaka kubera isano ry'amaraso umeze nkawe kubera konka ibere rimwe nawe araziririjwe, usibye nyina w'umuvandimwe we, cyangwa mushiki w'umuhungu we bose rimwe bo ntibaziririjwe kuri we.
التصنيفات
Konsa.