الشرح

Ang kahulugan ng hadith: Kapag nagnais si Allah sa mga lingkod Niya ng mabuti, sinusubok Niya sila sa mga sarili nila, mga yaman nila, at mga anak nila upang iyon ay maging isang dahilan sa pagtatakip sa mga pagkakasala nila at maging isang dahilan sa pag-angat ng mga antas nila. Walang duda na iyan ay mabuti para sa kanila sa Mundo at sa Kabilang-buhay. Ang kabutihan sa mundo ay dahil lamang sa pagdulog kay Allah, pagkataas-taas Niya, dito sa pamamagitan ng panalangin, pagsusumamo, at pagpapakita ng pangangailangan. Tungkol naman sa Kabilang-buhay, ito ay dahil sa pagtatakip doon sa mga masagwang gawa at pag-aangat sa mga antas. Nagsabi si Allah: "Talagang susubukin nga Namin kayo sa pamamagitan ng bagay na tulad ng pangamba, gutom, at kabawasan mula sa mga ari-arian, mga buhay, at mga bunga. Balitaan mo ng nakagagalak ang mga nagtitiis," (Qur'an 2:155) Sinabi ni Shaykh Ibnu `Uthaymīn, kaawaan siya ni Allah: "Ngunit ang hadith na panglahat na ito ay nalilimitahan ng ibang mga hadith na nagpapatunay na ang ibig sabihin ay: Ang sinumang pinagnaisan ni Allah ng mabuti, pinadadapuan ito ng pagsubok mula sa kanya; at magtitiis naman ito dahil doon: magtitiis sa mga kasawiang ito sapagkat iyan ay bahagi ng mabuti para sa kanya."