إعدادات العرض
Сизларга гуноҳларнинг энг каттаси ҳақида хабар берайми?
Сизларга гуноҳларнинг энг каттаси ҳақида хабар берайми?
Абу Бакроҳ разияллоҳу анҳудан ривоят қилинади: «Расулуллоҳ соллаллоҳу алайҳи ва саллам уч марта: «Сизларга гуноҳларнинг энг каттаси ҳақида хабар берайми?» дедилар. «Ҳа, ё Аллоҳнинг Расули!», дейишди. «Аллоҳга ширк келтириш, ота-онага оқ бўлиш», дедилар ва ёнбошлаб турган эдилар, тик туриб, ўтириб: «Огоҳ бўлинглар, ёлғон гувоҳлик бериш ва ёлғон гапириш», дедилар. Ана ўша гапни қайта-қайта такрорлайвердилар: «Қанийди, сукут қилсалар » деб қолдик».
الترجمة
العربية Bosanski English Español فارسی Français Bahasa Indonesia Русский Türkçe اردو 中文 हिन्दी বাংলা Kurdî Hausa Português മലയാളം తెలుగు Kiswahili தமிழ் සිංහල မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands ئۇيغۇرچە دری Кыргызча Lietuvių Kinyarwanda नेपाली ಕನ್ನಡ Română Wolof Soomaali Српски Moore Українська Български Tagalog Azərbaycan ქართული Magyar Македонски Bambara አማርኛ Italiano Malagasy Oromoo ភាសាខ្មែរ ไทย मराठी ਪੰਜਾਬੀالشرح
Набий соллаллоҳу алайҳи ва саллам саҳобаларга энг катта гуноҳлар ҳақида хабар бердилар, сўнгра қуйидаги уч нарсани зикр қилдилар: 1. Аллоҳга ширк келтириш: Ибодатнинг бирор турини Аллоҳдан бошқага сарфлаш ва Аллоҳдан бошқани У Зотнинг рубубияти, улуҳияти ҳамда исм ва сифатларида тенглаштириш. 2. Ота-онага оқ бўлиш: сўз ёки феъл билан уларга азият бериш ва уларга яхшилик қилмаслик. 3. Ёлғон сўз, ёлғон гувоҳлик ҳам шу жумласидан: бировни молини олиш, обрўсига путур етказиш ёки шунга ўхшаш ишларни қилиш учун ёлғон ёки сохта сўз сўзлаш. Набий соллаллоҳу алайҳи ва саллам ёлғон сўзнинг қабиҳ эканини ва унинг жамиятдаги ёмон асоратларидан огоҳлантириш учун кўп маротаба такрорладилар, ҳатто саҳобалар У зотга шафқат қилиб, безовта бўлмасликлари учун: «Сукут қилсайдилар», деб қолдилар.فوائد الحديث
Гуноҳларнинг энг каттаси ширкдир. Чунки уни катта гуноҳларнинг бошида зикр қилдилар. Бу сўзни Аллоҳ таолонинг қуйидаги ояти тасдиқлайди: {Албатта, Аллоҳ Ўзига ширк келтирилишини кечирмас. Ундан бошқа гуноҳни, кимни хоҳласа, кечирур}.
Ота-она ҳаққининг улуғлиги, чунки уларнинг ҳақларини Аллоҳнинг хаққи билан боғладилар.
Гуноҳлар катта ва кичик гуноҳларга бўлинади. Катта гуноҳлар: Дунёда жазоси ўлароқ ҳад белгиланган, лаънатланган ёки охиратда дўзахга кириши билан таҳдидланган гуноҳдир. Катта гуноҳларнинг баъзилари баъзисидан каттароқдир. Катта гуноҳлардан бошқаси кичик гуноҳлар.