الشرح

ណាពី ﷺ លោកបានបញ្ជាក់អំពីសិទ្ធិមួយចំនួនរបស់ជនមូស្លីមចំពោះបងប្អូនមូស្លីមរបស់ខ្លួន៖ សិទ្ធិទីមួយ៖ គឺត្រូវទទួលសាឡាមនៅពេលដែលមានគេឲ្យសាឡាមមកកាន់។ សិទ្ធិទីពីរ៖ ត្រូវសួរសុខទុក្ខអ្នកជំងឺ។ សិទ្ធិទីបី៖ ដង្ហែសពពីផ្ទះទៅកាន់កន្លែងសឡាត និងទៅកាន់ទីបញ្ចុះសព រហូតដល់បញ្ចុះសពរួចរាល់។ សិទ្ធិទីបួន៖ ឆ្លើយតបចំពោះការអញ្ជើញនៅពេលដែលមានគេអញ្ជើញទៅចូលរួមពិធីជប់លៀងមង្គលការ ឬពិធីផ្សេងៗទៀត។ សិទ្ធិទីប្រាំ៖ ឆ្លើយតបការចំពោះអ្នកកណ្តាស់ ពោលគឺនៅពេលអ្នកកណ្តាស់សូត្រថា៖ “الحمدلله” (ការសរសើរទាំងឡាយ គឺសម្រាប់អល់ឡោះ) គឺគេត្រូវឆ្លើយតបថា៖ “يرحمك الله”(សូមអល់ឡោះអាណិតស្រលាញ់ដល់អ្នក)។ បន្ទាប់មក អ្នកដែលកណ្តាស់នោះត្រូវតបវិញថា៖ “يهديكم الله ويصلح بالكم” (សូមអល់ឡោះចង្អុលបង្ហាញ និងកែលម្អស្ថានភាពរបស់អ្នក)។