إعدادات العرض
مهتهلا ههڤالێ باش و ههڤالێ خراب وهكی خودانێ مسكێ و ئهوێ كویرها ئاسنی (كو ئاسنگهره) خۆش دكهت،
مهتهلا ههڤالێ باش و ههڤالێ خراب وهكی خودانێ مسكێ و ئهوێ كویرها ئاسنی (كو ئاسنگهره) خۆش دكهت،
ئهبو موسا (خودێ ژێ ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: «مهتهلا ههڤالێ باش و ههڤالێ خراب وهكی خودانێ مسكێ و ئهوێ كویرها ئاسنی (كو ئاسنگهره) خۆش دكهت، خودانێ مسكێ: یان دێ هندهكێ دهته ته، یان دێ ژێ كڕی، یان ژی دێ بێهنهكا خۆش ژێ هێته ته. بهلێ هندیكه ئهوه یێ كویرها ئاسنی خۆش دكهت: یان دێ جلكێن ته سۆژیت، یان ژی دێ بێهنهكا پیس ژێ هێته ته».
[صحيح] [متفق عليه]
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල دری অসমীয়া Tiếng Việt Svenska Yorùbá Кыргызча ગુજરાતી नेपाली മലയാളം Română Nederlands Soomaali پښتو తెలుగు Kinyarwanda ಕನ್ನಡ Српски Moore ქართული Čeština Українська Magyar Македонски Lietuvių Azərbaycan Wolof አማርኛ Malagasy Oromoo ไทย Deutsch मराठी ਪੰਜਾਬੀ O‘zbek ភាសាខ្មែរ Shqip தமிழ் မြန်မာالشرح
پێغهمبهری (صهلات و سهلامێن خودێ ل سهر بن) مهتهل بۆ دوو جۆرێن مرۆڤان ئینا: جۆرێ ئێكێ: ههڤالێ باشه، ئهوێ بهرێ مرۆڤی ددهته خودێ و وی تشتێ خودێ ژێ ڕازی دبیت و هاریكارییا مرۆڤی دكهت ل سهر گوهدارییا خودێ. مهتهلا وی وهكی مهتهلا وی كهسییه یێ مسكێ (كو بێهنخۆشییهكه) دفرۆشیت؛ یان دێ هندهكێ ب دیاری دهته ته، یان دێ ژێ كڕی، یان ژی دێ بێهنهكا خۆش ژێ هێته ته. جۆرێ دووێ: ههڤالێ خرابه، ئهوێ دبیته ڕێگر ل بهر ڕێكا خودێ و هاریكارییا مرۆڤی دكهت ل سهر ئهنجامدانا گونههان و تو كارێن خراب ژێ دبینی، ئهوێ كو ژ بهر ههڤالینییا كهسهكێ وهكی وی و ڕوینشتنا د گهل وی دێ لۆمهی ته هێته كرن. مهتهلا وی وهكی مهتهلا وی ئاسنگهرییه یێ پف دكهته ئاگرێ خۆ؛ یان دێ جلكێن ته سۆژیت ب وێ چریسكا ژ ئاگرێ وی دپهشیت، یان ژی دێ بێهنهكا پیس ژێ هێته ته ژ بهر نێزیكبوونا ته ل وی.فوائد الحديث
دروستییا ئینانا مهتهلان دا كو ڕامان بۆ گوهداری پتر ڕوهن ببیت.
هاندان و شرینكرن ل سهر ههڤالینیكرنا كهسێن باش و چاكهكار و دویركهڤتن ژ مرۆڤێن خراب و ڕهوشت پیس.