إعدادات العرض
((مامۆ، بێژه: (لا إله إلا الله)، ئهو پهیڤهكه ئهگهر ته گۆت؛ ئهز دێ ل دهڤ خودێ بهڕهڤانییێ پێ ژ ته كهم))
((مامۆ، بێژه: (لا إله إلا الله)، ئهو پهیڤهكه ئهگهر ته گۆت؛ ئهز دێ ل دهڤ خودێ بهڕهڤانییێ پێ ژ ته كهم))
سهعیدێ كوڕێ موسهییهبی ژ بابێ خۆ (عهبدولڵاھی) ڤهدگوهێزیت كو: دهمێ ئهبو طالبی كهڤتییه د سهكهراتێن مرنێدا، پێغهمبهرێ خودێ (صهلات و سهلامێن خودێ ل سهر بن) هاته دهڤ وی و وی دهمی ئهبو جههل و عهبدولڵاھێ كوڕێ ئهبی ئومهییهی ژی ل دهڤ وی بوون، ئینا پێغهمبهری (صهلات و سهلامێن خودێ ل سهر بن) گۆت: ((مامۆ، بێژه: (لا إله إلا الله)، ئهو پهیڤهكه ئهگهر ته گۆت؛ ئهز دێ ل دهڤ خودێ بهڕهڤانییێ پێ ژ ته كهم))، ئینا ئهبو جههل و عهبدولڵاھێ كوڕێ ئهبی ئومهییهی گۆت: ئهرێ تو دێ دهست ژ ئایینێ عهبدولموطهلیبی بهردهی؟ ڤێجا پێغهمبهری (صهلات و سهلامێن خودێ ل سهر بن) ههر دگۆتێ بێژه و وان ژی ههر بهرسڤا وی ددا ب وێ گۆتنا خۆ، ههتا ئاخڤتنا دویماهیكێ یا ئهبو طالبی گۆتی ئهڤه بوو: ئهز یێ ل سهر ئایینێ عهبدولموطهلیبی و ڕازی نهبوو بێژیت (لا إله إلا الله). پاشی پێغهمبهرێ خودێ (صهلات و سهلامێن خودێ ل سهر بن) گۆت: ((سویند ب خودێ ئهز دێ داخوازا ژێبرنا گونههان بۆ ته ژ خودێ كهم هندی خودێ رێگرییێ ل من نهكهت))، ئینا خودایێ مهزن ئهڤ ئایهته ئینا خوار: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ} [التوبة: 113]، ئانكو: ((نه بۆ پێغهمبهری و نه بۆ ئهوێن باوهری ئینای نهبوویه كو داخوازا لێبورینێ بۆ موشركان بكهن)). خودایێ مهزن دهربارهی ئهبو طالبی ئایهتهك ئینا خوار و گۆته پێغهمبهری (صهلات و سهلامێن خودێ ل سهر بن): {إِنَّكَ لا تَهْدِي مَنْ أَحْبَبْتَ وَلَكِنَّ اللهَ يَهْدِي مَنْ يَشَاءُ} [القصص: 56]، ئانكو: ((تو نهشێی وی كهسی ب هیدایهت بینی یێ تو حهز ژێ دكهی، بهلكی خودێ هیدایهتا وی كهسی ددهت یێ وی بڤێت)).
الترجمة
العربية বাংলা Bosanski English Español فارسی Français Indonesia Türkçe اردو 中文 हिन्दी Tagalog ئۇيغۇرچە Hausa Kurdî Kiswahili Português සිංහල Русский Svenska ગુજરાતી Yorùbá Tiếng Việt پښتو অসমীয়া دری Кыргызча or नेपाली Čeština Română Nederlands Soomaali తెలుగు Lietuvių മലയാളം Српски Українська Kinyarwanda Shqip ಕನ್ನಡ Wolof Moore ქართული Magyar தமிழ் Azərbaycan Македонски Malagasy Deutsch Oromoo ไทย मराठी ਪੰਜਾਬੀ አማርኛ O‘zbek Italiano ភាសាខ្មែរ မြန်မာالشرح
پێغهمبهر (صهلات و سهلامێن خودێ ل سهر بن) چوو دهڤ مامێ خۆ ئهبو طالبی، د دهمهكیدا ئهو یێ د سهكهراتێن مرنێدا، ئینا گۆتێ: مامۆ؛ بێژه: لا إله إلا الله (ئانكو: ژ ئهلڵاهی پێڤهتر چ خودایێن ژ ههژی پهرستنێ نینن)، ئهڤه پهیڤهكه ئهز دێ بۆ ته شاهدهییێ پێ دهم ل دهڤ خودێ، بهلێ ئهبو جههل و عهبدولڵاھێ كوڕێ ئهبی ئومهییهی گۆت: ئهبو طالب؛ ئهرێ تو دێ دهست ژ ئایینێ بابێ خۆ عهبدولموطهلیبی بهردهی؟! كو ئهو ژی پهرستنا بت و صهنهمان بوو، ڤێجا ههر بهردهوام بوون ل سهر ڤێ ئاخڤتنێ ههتا ئهبو طالبی ل دویماهیكا ئاخڤتنا خۆ گۆتی: ئهز یێ ل سهر ئایینێ عهبدولموطهلیبی، ئایینێ شركێ و پهرستنا بت و صهنهمان. ئینا پێغهمبهری (صهلات و سهلامێن خودێ ل سهر بن) گۆت: ئهز دێ داخوازا لێبوورینێ بۆ ته كهم هندی خودایێ من ڕێگریێ ل من نهكهت، پاشی ئهڤ گۆتنا خودایێ مهزن هاته خوار: {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَى مِنْ بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ} [التوبة: 113]، ئانكو: ((نه بۆ پێغهمبهری و نه بۆ ئهوێن باوهری ئینای نهبوویه كو داخوازا لێبوورینێ بۆ موشركان بكهن ههتا ئهگهر كهسێن نێزیك ژی بن، پشتی كو بۆ وان دیار بووی كو ئهو ژ ئههلێ جههنهمێنه)). ههروهسا خودایێ مهزن دهربارهی ئهبو طالبی ژی ئهڤ ئایهته ئینا خوار: {إِنَّكَ لا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ} [القصص: 56]، ئانكو: ((تو نهشێی وی كهسی ب هیدایهت بینی یێ تو حهز ژێ دكهی، بهلكی خودێ هیدایهتا وی كهسی ددهت یێ وی بڤێت و ئهو باشتر دزانیت كینه ئهوێن هیدایهت وهرگرتین)). ڤێجا تو نهشێی هیدایهتا وی كهسی بدهی یێ ته دڤێت، ئهركێ ته ب تنێ گههاندنا پهیامێیه و خودێ هیدایهتا وی ددهت یێ وی بڤێت.فوائد الحديث
حهرامبوونا داخوازا لێبوورینێ (كرنا ئیستیغفاران) بۆ موشركان، خۆ نێزیكی و كار و باشییا وان چ بیت.
چاڤلێكرنا باب و باپیر و كهسێن مهزن د كارێن نهدروستدا؛ ژ نهریتێن سهردهمێ نهزانینێیه.
دلۆڤانییا تهمام یا پێغهمبهری (صهلات و سهلامێن خودێ ل سهر بن) و پێگیرییا وی ل سهر گازی و هیدایهتا خهلكی.
بهرسڤدانا وان كهسێن بانگهشهیا هندێ دكهن كو ئهبو طالب موسلمان بوویه.
كریار ب دویماهیكێڤه د گرێداینه.
بێمفابوونا گرێدانا دلی ب پێغهمبهریڤه (صهلات و سهلامێن خودێ ل سهر بن) یان كهسێن دی بۆ دهستكهڤتنا مفای یان دویركرنا زیانێ.
ههر كهسێ ژ دل و ب زانین و ب باوهری بێژیت (لا إله إلا الله)، دێ هێته د ناڤ ئیسلامێدا.
زیانا ههڤالێن خراب ل سهر مرۆڤی.
ڕامانا (لا إله إلا الله): هێلانا پهرستنا بت و صهنهم و وهلییێن خودێ و زهلامێن باشه و پهرستنا خودێ ب تنێیه، و كو موشرك ڕامانا وێ دزانن.
دروستییا سهرهدانا نهساخێ موشرك ئهگهر هیڤییا موسلمانبوونا وی ههبیت.
هیدایهتا تهوفیقێ ب تنێ یا د دهستێ خودێدا، ئهركێ پێغهمبهری (صهلات و سهلامێن خودێ ل سهر بن) ب تنێ ڕێبهری و شیرهتكرن و گههاندنا پهیامێیه.