إعدادات العرض
عه‌بدێ من گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه
عه‌بدێ من گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه
ژ ئه‌بو هورەیرەی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) ژ وێ یا ژ خودایێ خۆ یێ مه‌زن ڤه‌دگێڕیت كو گۆتییه: ((عه‌بدێ من گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. تشتێ ته دڤێت بكه؛ ئه‌ز ل ته بوریم و من گونه‌هێن ته ژێبرن)).
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Kurdî Hausa Português മലയാളം తెలుగు Kiswahili မြန်မာ Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands සිංහල தமிழ் دری Fulfulde Magyar ಕನ್ನಡ Кыргызча Lietuvių or Română Kinyarwanda Српски O‘zbek Moore नेपाली тоҷикӣ Oromoo Wolof Soomaali Български Українська Azərbaycan ქართული Bambara Македонски Ελληνικά ភាសាខ្មែរ Akan አማርኛ Italiano Malagasy ไทย मराठी ਪੰਜਾਬੀ Lingala yaoالشرح
پێغه‌مبه‌ر (صه‌لات و سه‌لامێن خودێ ل سه‌ر بن) ژ خودایێ خۆ ڤه‌دگێڕیت كو ئه‌گه‌ر عه‌بدی گونه‌هه‌ك كر و پاشی گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ستاره دكه‌ت و لێ دبوریت، یان ژی ژ به‌ر گونه‌هێ سزا دده‌ت، مسوگه‌ر من گونه‌ها وی ژێبر. پاشی جاره‌كا دی ئه‌ڤ عه‌بده زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ستاره دكه‌ت و لێ دبوریت، یان ژی ژ به‌ر گونه‌هێ سزا دده‌ت، مسوگه‌ر من گونه‌ها وی ژێبر. پاشی جاره‌كا دی ئه‌ڤ عه‌بده زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ستاره دكه‌ت و لێ دبوریت، یان ژی ژ به‌ر گونه‌هێ سزا دده‌ت، مسوگه‌ر من گونه‌ها وی ژێبر. ڤێجا تشتێ دڤێت بلا بكه‌ت، ماده‌م هندی جاره‌كا گونه‌هه‌كێ دكه‌ت؛ ڤێ گونه‌هێ دهێلیت و په‌شیمان دبیت و بڕیاره‌كا ژ دل دده‌ت كو جاره‌كا دی نازڤڕیته ڤێ گونه‌هێ، به‌لێ نه‌فسا وی ل سه‌ر وی زال دبیت و جاره‌كا دی دكه‌ڤیته د ناڤ گونه‌هێدا، ڤێجا هندی مرۆڤ ڤێ چه‌ندێ بكه‌ت، گونه‌هێ بكه‌ت و په‌شیمان بیت؛ ئه‌ز ژی هه‌ر دێ لێ بورم و گونه‌ها وی ژێبه‌م، چونكی ته‌وبه‌كرن و په‌شیمانبوون گونه‌هێن به‌ری خۆ ژێدبه‌ت.فوائد الحديث
به‌رفره‌هییا دلۆڤانییا خودێ د گه‌ل عه‌بدێن وی و كو هه‌ر چه‌ند مرۆڤ گونه‌هان بكه‌ت و هه‌ر كاره‌كێ بكه‌ت؛ ئه‌گه‌ر ته‌وبه بكه‌ت و ژێ په‌شیمان بیت و بزڤڕیته لایێ خودێ؛ خودێ دێ ته‌وبه‌یا وی قه‌بویل كه‌ت و لێ بوریت.
ئه‌و كه‌سێ باوه‌ری ب خودایێ مه‌زن هه‌بیت؛ هیڤی یا ب لێبورینا خودێ هه‌ی و ژ سزایێ وی ژی دترسیت، له‌وا بلا له‌زێ د ته‌وبه‌كرنێدا بكه‌ت و به‌رده‌وامییێ نه‌ده‌ته گونه‌هێ.
مه‌رجێن ته‌وبه‌كرنا دروست ئه‌ڤه‌نه: هیلانا گونه‌هێ، په‌شیمانبوون ژ وێ گونه‌هێ و دانا بڕیاره‌كا ژ دل كو جاره‌كا دی نه‌زڤڕیته وێ گونه‌هێ، ئه‌گه‌ر ئه‌ڤ ته‌وبه‌كرنه یا گرێدایی بیت ب مافێن خه‌لكیڤه و ڤی ته‌وبه‌كاری زۆڕداری ل سه‌ر مال یان نامویس یان نه‌فسا كه‌سه‌كێ دی كربیت؛ ڤی ده‌می مه‌رجێ چارێ ژی دێ ل سه‌ر هه‌رسێ مه‌رجێن دی زێده بیت، ئه‌و مه‌رج ژی ئه‌ڤه‌یه كو ئه‌و كه‌س: گه‌رده‌نا خۆ ب وی كه‌سێ مافێ وی خواری بده‌ته ئازاكرن، یان مافێ وی بۆ بزڤڕینیت.
گرنگییا نیاسینا خودێ و هه‌بوونا زانینێ ب وی كو ئه‌ڤ زانینه دێ وه ل مرۆڤی كه‌ت یێ زانا بیت ب كاروبارێن دینێ خۆ، له‌وا هه‌ر گاڤا خه‌له‌تی و گونه‌هه‌ك كر؛ دێ ته‌وبه كه‌ت و ژ دلۆڤانییا خودێ بێهیڤی نابیت و زێده‌گاڤییێ ل سه‌ر سنوورێن خودێ ژی ناكه‌ت.