الشرح

ကျွန်တစ်ဦးသည် အပြစ်အကုသိုလ်ကျူးလွန်ခဲ့ပြီနောက် ၎င်းက အို - အလ္လာဟ်အရှင်မြတ် ကျွန်တော်မျိုး၏ အပြစ်ကို ခွင့်လွတ်တော်မူပါဟု တောင်းခံခဲ့သည်။ ထိုအခါ မင်္ဂလာအပေါင်းနှင့် ပြည့်စုံတော်မူသော၊ ကြီးကျယ်မြင့်မြတ်တော်မူသော အလ္လာဟ်အရှင်မြတ်က မိန့်ကြားတော်မူသည်။ ငါအရှင်မြတ်၏ကျွန်သည် အပြစ်အကုသိုလ်ကိုကျူးလွန်ခဲ့သည်။ ထို့နောက် ၎င်းထံတွင် အပြစ်တို့ကို ခွင့်လွှတ်တော်မူသောအရှင်၊ ဖုံးကွယ်ပေးတော်မူသောအရှင်၊ ခွင့်လွှတ် ချမ်းသာပေးတော်မူသောအရှင် သို့မဟုတ် ၎င်းအား အရေးယူတော်မူသောအရှင်ရှိကြောင်း သိရှိခဲ့သည်။ ၎င်းနောက် ထိုသူသည် အပြစ်ကို ပြန်လည်ကျူးလွန်ခဲ့သည်။ ထို့နောက် ၎င်းက အို - အလ္လာဟ်အရှင်မြတ် ကျွန်တော်မျိုး၏ အပြစ်ကို ခွင့်လွတ်တော်မူပါဟု တောင်းခံခဲ့သည်။ ထိုအခါ မင်္ဂလာအပေါင်းနှင့် ပြည့်စုံတော်မူသော၊ကြီးကျယ်မြင့်မြတ်တော်မူသော အလ္လာဟ်အရှင်မြတ်က မိန့်ကြားတော်မူသည်။ ငါအရှင်မြတ်၏ကျွန်သည် အပြစ်အကုသိုလ်ကိုကျူးလွန်ခဲ့သည်။ ထို့နောက် ၎င်းထံတွင် အပြစ်တို့ကို ခွင့်လွှတ်တော်မူသောအရှင်၊ ဖုံးကွယ်ပေးတော်မူသောအရှင်၊ ခွင့်လွှတ် ချမ်းသာပေးတော်မူသောအရှင် သို့မဟုတ် ၎င်းအား အရေးယူတော်မူသောအရှင်ရှိကြောင်း သိရှိခဲ့သည်။ သို့ဖြစ်ပေရာ ငါအရှင်မြတ်သည် ငါ၏ကျွန်အား ခွင့်လွှတ်တော်မူလိုက်ပြီဖြစ်သည်။ ထို့ကြောင့် ၎င်းသည် မိမိအလိုရှိရာ အပြစ်တို့ကိုကျူးလွန်ပြီးနောက် စစ်မှန်သည့် သောင်ဝ်ဗဟ်အမှားဝန်ချတောင်းပန်မှုကိုပြုလုပ်မည်ဆိုလျှင် ထိုသို့ အပြစ်ကျူးလွန်ပြီး အမှားဝန်ချတောင်းပန်မှု ပြုလုပ်နေသမျှကာလပတ်လုံး ငါအရှင်မြတ်သည် သူ့အား ခွင့်လွှတ်နေမည်ဖြစ်သည်။ ဧကန်အမှန်ပင် သောဝ်င်ဗဟ်အမှားဝန်ချတောင်းပန်မှုသည် ၎င်းမတိုင်ခင်က ကျူးလွန်ခဲ့သည့် အပြစ်အကုသိုလ်တို့အား ပယ်ဖျက်ပေးသည်။