إعدادات العرض
((هه‌ر كه‌سێ ژ هه‌وه خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و…
((هه‌ر كه‌سێ ژ هه‌وه خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه))
ژ ئەبی سەعیدێ خودری (خودێ ژێ ڕازی بیت) گۆت: من گوهـ ل پێغەمبەرێ خودێ (صەلات و سەلامێن خودێ ل سەر بن) بوو دگۆت: ((هه‌ر كه‌سێ ژ هه‌وه خرابییه‌ك دیت؛ بلا ب ده‌ستێ خۆ بگوهۆڕیت، ئه‌گه‌ر نه‌شیا بلا ب ئه‌زمانێ خۆ بگوهۆڕیت، ئه‌گه‌ر نه‌شیا بلا ب دلێ خۆ بگوهۆڕیت و ئه‌و لاوازترین باوه‌رییه)).
الترجمة
العربية Kurdî English Kiswahili Español اردو Português বাংলা Bahasa Indonesia فارسی தமிழ் हिन्दी සිංහල Tiếng Việt മലയാളം Русский မြန်မာ ไทย پښتو অসমীয়া Shqip Svenska Čeština ગુજરાતી Yorùbá Nederlands ئۇيغۇرچە Bosanski Hausa తెలుగు دری Ελληνικά Azərbaycan Български Fulfulde ಕನ್ನಡ Кыргызча Lietuvių or Română Kinyarwanda Српски тоҷикӣ O‘zbek नेपाली Moore Wolof Tagalog Soomaali Français Українська Bambara Deutsch ქართული Македонски Magyar 中文 rn ភាសាខ្មែរ አማርኛ Malagasy Oromoo मराठी ਪੰਜਾਬੀ Türkçe Lingala Italiano ms Danskالشرح
پێغەمبەر (صەلات و سەلامێن خودێ ل سەر بن) فەرمانێ ب گوهۆڕینا خرابییێ دکەت - كو هه‌ر تشته‌كێ خودێ و پێغەمبەرێ وی پاشڤه‌برن ژێ كری دكه‌ڤیته دبنڤه - ل دویڤ شیانان، ڤێجا ئەگەر مرۆڤی خرابییه‌ك دیت؛ پێدڤییه ئه‌و وێ خرابییێ ب ده‌ستێ خۆ بگوهۆڕیت ئەگەر شیانێن وی كاری هەبن، ئەگەر نەشیا ڤێ چه‌ندێ بكه‌ت؛ هنگی بلا ب ئه‌زمانێ خۆ بگوهۆڕیت ب وێ چەندێ کو وی كه‌سێ وێ خرابییێ دكه‌ت ژ ڤی كاری پاشڤه ببه‌ت و زیانێن وێ بۆ وی دیار بکەت و به‌رێ وی بده‌ته خێر و باشییێ ل جهێ ڤێ خرابییێ، ئەگەر نەشیا بگه‌هیته ڤێ پله‌یێ ژی؛ هنگی بلا ب دلێ خۆ بگوهۆڕیت، ب وێ چەندێ کو كه‌یف ب ڤێ خرابییێ نه‌هێت و بڕیاره‌كا ژ دل بده‌ت كو ئه‌گه‌ر شیانێن گوهۆڕینا وێ هەبان؛ دا گوهۆڕیت، گوهۆڕین ب دلێ خۆ ژی لاوازترین پله‌یێن باوەریيێیە د گوهۆڕینا خرابییێدا.فوائد الحديث
ئەڤ فەرموودە بناخه‌یه‌كه د دیارکرنا پله‌یێن گوهۆڕینا خرابییێدا.
فەرمانكرن ب پلە پلەبوونێ د قەدەغەکرن و پاشڤه‌برنا ژ خرابییێدا، هەر کەسەك ل دویڤ شیانێن خۆ.
پاشڤه‌برنا ژ خرابییێ بابەته‌کێ مەزنە د دینیدا و ل سه‌ر چ مرۆڤان ناڕابيت و دڤێت هه‌می پێ ڕاببن و هەر موسلمانەك ل دویڤ شیانێن خۆ پێ دهێتە ڕاسپاردن.
فەرمانا ب باشییێ و پاشڤه‌برنا ژ خرابییێ ژ خەسلەت و تایبه‌تمه‌ندییێن باوەریيێنە و باوەری زێدە و کێم دبیت.
بۆ پاشڤه‌برنا ژ خرابییێ پێدڤییه مرۆڤی زانین ب وێ چه‌ندێ هه‌بیت كو ئه‌ڤ کاره یێ خرابه.
د گوهۆڕینا خرابییێدا دڤێت چ خرابییێن ژ وێ مه‌زنتر ژ پاشڤه‌برن و گوهۆڕینا وێ په‌یدا نەبن.
پاشڤه‌برنا ژ خرابییێ كۆمه‌كا ئاداب و مەرجان هەنە کو دڤێت موسلمان بزانیت و فێری وان ببيت.
پاشڤه‌برن و گوهۆڕینا خرابییێ پێدڤی ب سیاسەتەکا شەرعی و زانین و چاڤڕۆهنییێ هه‌یه.
پاشڤه‌نه‌برن و نه‌گوهۆڕینا خرابییێ ب دلی نیشانه ل سه‌ر لاوازیا باوەریێ.