إعدادات العرض
((خودێ نموونه بۆ مه ب ڕێكه‌كا ڕاست ئینایه
((خودێ نموونه بۆ مه ب ڕێكه‌كا ڕاست ئینایه
ژ نه‌وواسێ كوڕێ سه‌معانی (خودێ ژێ ڕازی بیت) ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((خودێ نموونه بۆ مه ب ڕێكه‌كا ڕاست ئینایه، دوو دیوار یێن ل هه‌ردوو لایێن ڕێكێ، هنده‌ك ده‌رگه‌هێن ڤه‌كری یێن تێدا و په‌رده یێن ب سه‌ر وان ده‌رگه‌هاندا هاتینه دان، ژ لایێ ده‌رگه‌هێ ڕێكێ گازیكه‌ره‌ك یێ هه‌ی گازی دكه‌ت و دبێژیت: گه‌لی خه‌لكی؛ هوین هه‌می وه‌رنه سه‌ر ڤێ ڕێكا ڕاست و خۆ ژ ڕێكا ڕاست لانه‌ده‌ن، گازیكه‌ره‌كێ دی ژی یێ ل سه‌ر ڕێكا ڕاست هه‌ی، ئه‌گه‌ر ئێكى ڤیا ده‌رگه‌هه‌كی ژ ڤانه ڤه‌كه‌ت؛ دێ بێژیت: تێچوون بۆ ته بیت، ده‌رگه‌هی ڤه‌نه‌كه، چونكی ئه‌گه‌ر ته ده‌رگه‌ھ ڤه‌كر دێ چییه ژوور. ڤێجا ڕێكا ڕاست ئیسلامه و هه‌ردوو دیوار ژی: سنوورێن خودێنه و ده‌رگه‌هێن ڤه‌كری ژی: ئه‌و تشتن یێن خودێ حه‌رام كرین، ئه‌ڤ گازیكه‌رێ ل سه‌رێ ڕێكێ دكه‌ته گازی ژی: په‌ڕتووكا خودێیه، ئه‌و گازیكه‌رێ ل سه‌ر ڕێكێ ڕاوه‌ستیای ژی: شیره‌تكارێ خودێیه د دلێ هه‌ر موسلمانه‌كیدا)).
الترجمة
العربية English မြန်မာ Svenska Čeština ગુજરાતી Yorùbá Nederlands اردو Español Bahasa Indonesia ئۇيغۇرچە বাংলা Bosanski සිංහල हिन्दी Tiếng Việt Hausa മലയാളം తెలుగు Kiswahili پښتو অসমীয়া Shqip دری Ελληνικά Български Fulfulde ಕನ್ನಡ Кыргызча Lietuvių Română Kinyarwanda Српски тоҷикӣ O‘zbek नेपाली Kurdî Wolof Moore Soomaali Français Azərbaycan Tagalog Українська தமிழ் Bambara Deutsch ქართული Português Македонски Magyar Русский 中文 فارسی ភាសាខ្មែរ Malagasy Oromoo ไทย मराठी ਪੰਜਾਬੀ Türkçe Lingala Italiano አማርኛ Danskالشرح
پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو: خودێ نموونه ب ئیسلامێ ئینایه كو ئه‌و ڕێكه‌كا ڕاسته و چ خواری تێدا نینن، ل سه‌ر هه‌ردوو لایێن ڤێ ڕێكێ ژی دوو دیوار یێن هه‌ین كو ژ هه‌ردوو لایێن وێڤه دۆرێ لێ دگرن، ئه‌و هه‌ردوو دیوار ژی سنوورێن خودێنه، هنده‌ك ده‌رگه‌هێن ڤه‌كری ژی یێن د ناڤ ڤان دیواراندا هه‌ین كو ئه‌و تشتن یێن خودێ حه‌رام كرین، هنده‌ك په‌رده یێن ل سه‌ر ڤان ده‌رگه‌هان هه‌ین كو بۆ وی كه‌سێ د وێ ڕێكێڕا ده‌رباز دبیت دیار نابیت كا كی د ناڤ وی ده‌رگه‌هیدا هه‌یه، ل ده‌ستپێكا ڕێكێ گازیكه‌ره‌ك یێ هه‌ی خه‌لكی ئاراسته دكه‌ت و ڕێكێ نیشا وان دده‌ت و دبێژیته وان: ل سه‌ر ڤێ ڕێكێ هه‌ڕن و به‌رێ خۆ ژێ نه‌گوهۆڕن و ڕێكا خۆ خوار نه‌كه‌ن و نه‌چنه سه‌ر چ لایێن دی، ئه‌ڤ گازیكه‌ره په‌ڕتووكا خودێیه، كا چاوا گازیكه‌ره‌كێ دی ژی یێ ل سه‌ر ڤێ ڕێكێ هه‌ی، ئه‌ڤ گازیكه‌ره ژی ئه‌ركێ وی ئه‌ڤه‌یه هه‌ر گاڤا ئه‌و كه‌سێ د وێ ڕێكێڕا ده‌رباز دبیت كره دلێ خۆ و ڤیا پیچه‌ك وی په‌رده‌یێ ل سه‌ر ڤان ده‌رگه‌هان هه‌ی ڕاكه‌ت؛ دێ وی پاشڤه به‌ت و دێ بێژیته وی: تێچوون بۆ ته بیت، ده‌رگه‌هی ڤه‌نه‌كه! چونكی ئه‌گه‌ر ته ده‌رگه‌ھ ڤه‌كر؛ دێ چییه د ناڤدا و پاشی تو نه‌شێی خۆڕاگری نه‌چییه ژوور، ئه‌ڤ گازیكه‌ره ژی شیره‌تكارێ خودێیه د دلێ هه‌ر موسلمانه‌كیدا.فوائد الحديث
ئیسلام دینێ دروسته و ئه‌و ڕێكا ڕاسته یا مه دگه‌هینیته به‌حه‌شتێ.
پێدڤییه پێگیری ب سنوورێن خودێ بهێته كرن و ب وان تشتێن خودێ حه‌لال و حه‌رام كرین، سستاهیكرن د وان ژیدا تێچوونێ ب دویڤ خۆدا دئینیت.
قه‌در و بهایێ قورئانا پیرۆز و هاندان ل سه‌ر كاركرنا ب وێ، چونكی ڕاسته‌ڕێبوون و ڕۆناهی و سه‌رفه‌رازی یا تێدا.
دلۆڤانییا خودێ د گه‌ل عه‌بدێن وی و ب وی تشتێ وی كرییه د دلێ باوه‌رداراندا كو وان پاشڤه دبه‌ن و شیره‌تێ ل وان دكه‌ت ژ كه‌ڤتنا د ناڤ وان تشتاندا یێن مرۆڤی تێدبه‌ن.
خودێ ب دلۆڤانییا خۆ هنده‌ك ڕێگر بۆ عه‌بدێن خۆ داناینه كو ناهێلن بكه‌ڤیته د ناڤ گونه‌هاندا.
ژ ڕێكێن فێركرنێ؛ ئینانا مه‌ته‌ل و نموونه‌یانه بۆ نێزیككرن و ڕۆهنكرنێ.