فوائد الحديث

واجب بوونی خۆشەویستی پێغەمبەر -صلى اللە علیە وسلم- ودەبێت خۆشەویستی ئەو لە پێش خۆشەویستی هەموو بوونەوەرێکەوە بێت.

کردەوەکان لە ئیمانن، چونکە خۆشەویستی کردەوەی دڵە، بۆیە ئیمان نەفی کراوە لە بوونی لەو کەسەی کە پێغەمبەر -صلى اللە علیە وسلم- خۆشەویستتر نەبێت لە لای لەو شتانەی کە باسکراوە.

نەفی کردنی بوونی ئیمان بەڵگەیە نییە لە سەر دەرچوون لە ئیسلام.

ئیمان وباوەڕی ڕاستگۆ شوێنەواری لە سەر خاوەنەکەی دەردەکەوێت.

واجبە خۆشەویستی پێغەمبەر -صلى اللە علیە وسلم- لە پێش خۆشەویستی نەفس ومنداڵ ودایک وباوک وهەموو خەڵکییەوە بێت.

بەختکردن وفیدایی کردنی نەفس وپارە وماڵ لە پێناو پێغەمبەر -صلى اللە علیە وسلم-، چونکە خۆشەویستی ئەو دەبێت لە پێش خۆشویستنی نەفس وپارە وماڵ بێت.

واجبە لە سەر مرۆڤ کە سونەتی پێغەمبەر -صلى اللە علیە وسلم- سەربخات، وپێویستە بۆ جێبەجێبوونی ئەمەش نەفس وماڵ وپارە وهەموو وزە وتوانایەکی بەگەڕبخات، چونکە ئەمە نیشانەی کەماڵ وتەواوی خۆشەویستە بۆ پێغەمبەر -صلى اللە علیە وسلم-، خوای گەورە دەفەرموێت: {إِنَّ شَانِئَكَ هُوَ الْأَبْتَرُ} [الکوثر: 1]، واته: {بێگومان ھەرکەسێک ناحەزت بێت وڕقی لێت بێت دوا بڕاوە (ئەی موحەممەد -صلى اللە علیە وسلم-)}، زانایان دەڵێن: بۆیە بەهەمان شێوە ئەوەی ڕقی لە شەریعەت بێت ئەوا کەسێکی دوابڕاوە هیچ خێرێکی تێدا نییە.

دروستی خۆشەویستی لە بەر بەزەیی وڕێزگرتن وبەگەورەدانان، چونکە فەرمووی: (خۆشەویستتر بێت لە لای لە باوکی ومنداڵەکانی و...)، بۆیە بنچینەی خۆشویستنی دووپاتکردەوە، وئەمە شتێکی ئاساییە وهیچ کەسێک ئینکاری لێناکات.

واجب بوونی پێشخستنی قسەکانی پێغەمبەر -صلى اللە علیە وسلم- لە پێش قسەی هەموو خەڵکی، چونکە لە دەرەنجامەکانی خۆشویستنی زیاتر لە هەموو خەڵکی پێویستە ئەوە بێت کە قسەکانی پێش قسەی هەموو خەڵکی بخرێت تەنانەت پێش قسەی خۆتیش.