إعدادات العرض
ဒုက္ခအခက်အခဲများကြုံတွေ့သည့်အခါ မိမိပါးများကို ရိုက်ပုတ်သူ၊ အင်္ကျီရင်စများကို ဆွဲဖြဲသူ၊ ဂျာဟိလိယသ်…
ဒုက္ခအခက်အခဲများကြုံတွေ့သည့်အခါ မိမိပါးများကို ရိုက်ပုတ်သူ၊ အင်္ကျီရင်စများကို ဆွဲဖြဲသူ၊ ဂျာဟိလိယသ် အမိုက်ခေတ်က ကြွေးကြော်သလို ကြွေးကြော်သူတို့သည် ငါတို့အနက်မှ မဟုတ်ပေ။
အဗ်ဒုလ္လာဟ်ဗင်န် မတ်စ်အူးဒ် (ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်။ ဒုက္ခအခက်အခဲများကြုံတွေ့သည့်အခါ မိမိပါးများကို ရိုက်ပုတ်သူ၊ အင်္ကျီရင်စများကို ဆွဲဖြဲသူ၊ ဂျာဟိလိယသ် အမိုက်ခေတ်က ကြွေးကြော်သလို ကြွေးကြော်သူတို့သည် ငါတို့အနက်မှ မဟုတ်ပေ။
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी ئۇيغۇرچە Hausa Português Kurdî සිංහල Nederlands অসমীয়া Tiếng Việt Kiswahili ગુજરાતી پښتو Română മലയാളം Deutsch नेपाली Кыргызча ქართული Moore Magyar తెలుగు Svenska ಕನ್ನಡ Українська Македонски Kinyarwanda Oromoo ไทย Српски मराठी ਪੰਜਾਬੀ دری አማርኛ Malagasy Wolof ភាសាខ្មែរ Lietuvių தமிழ் Shqipالشرح
တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)သည် ဂျာဟီလီယသ် အမိုက်ခေတ်မှလူတို့၏ အချို့သော အပြုအမူများမှ တားမြစ်ခဲ့ပြီး သတိပေးနှိုးဆော်ခဲ့သည်။ ကိုယ်တော်က အမိန့်ရှိသည်မှာ- ( အောက်ပါ အချက်များကို ပြုလုပ်သူတို့သည် ) ငါကိုယ်တော်၏ အုပ်စုဝင်ထဲမှ မဟုတ်ပေ။ ပထမအချက်- ပါးကို ရိုက်ပုတ်ခြင်း။ ပါးကို သီးသန့်ဖော်ပြထားရခြင်းမှာ များသော အားဖြင့် ထိုအခြေအနေမျိုးတွင် ပါးကိုသာ ရိုက်လေ့ရှိသောကြောင့် ဖြစ်သည်။ သို့မဟုတ်ပါက မျက်နှာ၏ အခြားအစိတ်အပိုင်းများကို ရိုက်နှက်ခြင်းလည်း ဤတားမြစ်ချက်တွင် အကျုံးဝင်သည်။ ဒုတိယအချက်- အလွန်အမင်း သည်းမခံနိုင်ခြင်းကြောင့် အင်္ကျီရင်စကို စွဲဖြဲခြင်း။ တတိယအချက်မှာ - ဂျာဟီလီယသ်အမိုက်ခေတ်၏ ကြွေးကြော်မှုအတိုင်း ကြွေးကြော်ခြင်း။ ဥပမာ- "ပျက်စီးလေပြီ" "ကံဆိုးလေပြီ"စသည်ဖြင့် ညည်းညူခြင်း၊ အော်ဟစ်ငိုကြွေးခြင်း၊ သေသူအတွက် ကြာရှည်စွာ ငိုကြွေးသီဆိုခြင်း စသည်တို့ ပါဝင်သည်။فوائد الحديث
ဤဟဒီးဆ်တွင်ပါရှိသော သတိပေးခြိမ်းခြောက်မှုက အထက်ပါ အပြုအမူများသည် ကြီးမားသော အပြစ်ဒုစရိုက်များထဲမှ ဖြစ်ကြောင်း ညွှန်ပြနေသည်။
ဒုက္ခဆင်းရဲကြုံတွေ့ရချိန်တွင် ဆွဗရ်(သည်းခံခြင်းတရား ထားရှိခြင်း )၏ အရေးကြီးမှုနှင့် စိတ်မသက်မသာဖြစ်ဖွယ် အလ္လာဟ်အရှင်မြတ်၏ သက္ကဒီရ်သတ်မှတ်ဆုံးဖြတ်ချက်များကို မကျေမနပ်ဖြစ်ခြင်း၊ ထိုသို့ စိတ်မကျေနပ်မှုကို အော်ဟစ်ငိုကြွေးခြင်း၊ သေဆုံးသူအတွက် ငိုကြွေးသီဆိုခြင်း၊ ဆံပင်ရိတ်ခြင်း၊ ဝတ်ရုံကိုဆုတ်ဖြဲခြင်း (သို့) အခြားသော နည်းလမ်းများဖြင့် ထုတ်ဖော်ပြသခြင်းများ သည် ဟရာမ်ဖြစ်ခြင်း။
အလ္လာဟ်အရှင်မြတ်နှင့် ထိုအရှင်မြတ်၏ ရစူလ်တမန်တော်တို့က အတည်မပြုထားသော ဂျာဟီလီယသ်အမိုက်ခေတ်၏ ဓလေ့ထုံးတမ်းများကို အတုယူခြင်းမှ တားမြစ်ထားသည်။
ဝမ်းနည်းခြင်းနှင့် ငိုကြွေးခြင်းသည် မည်သို့မျှ ပြသနာမရှိပေ။ ၎င်းတို့သည် အလ္လာဟ်အရှင်မြတ်၏ ဆုံးဖြတ်ချက်အပေါ် သည်းခံခြင်းနှင့် ဆန့်ကျင်ခြင်းမရှိပေ။ ထိုဝမ်းနည်းမှုသည် အလ္လာဟ်က ဆွေမျိုးမိတ်ဆွေတို့၏ နှလုံးသားများတွင် ထည့်သွင်းပေးထားသော ကရုဏာတရားပင် ဖြစ်သည်။
မွတ်စ်လင်မ်တစ်ဦးသည် အလ္လာဟ်အရှင်မြတ်၏ ဆုံးဖြတ်ချက်အပေါ် ကျေနပ်နှစ်သက်မှုရှိရမည်။ အကယ်၍ ကျေနပ်နှစ်သက်နိုင်စွမ်း မရှိပါက ( အနိမ့်ဆုံး ) ဆွဗရ် (သည်းခံခြင်းတရား) ထားရှိရန် အရေးကြီးသည်။
التصنيفات
အမိုက်ခေတ်ဆိုင်ရာ မဆ်အလဟ်များ။