إعدادات العرض
निस्सन्देह अल्लाह र उहाँका रसूलले मदिरा, मृत जनावर, सुँगुर र मूर्तिहरू निषेध गर्नुभएको छ ।
निस्सन्देह अल्लाह र उहाँका रसूलले मदिरा, मृत जनावर, सुँगुर र मूर्तिहरू निषेध गर्नुभएको छ ।
जाबिर बिन अब्दुल्लाह (रजियल्लाहु अन्हुमा) ले बयान गरेका छन्, उनले रसूल (सल्लल्लाहु अलैहि वसल्लम) ले मक्कामाथि विजयको वर्ष उहाँ मक्कामा हुँदा भन्दै गरेको सुनें, उहाँले भन्नुभयो : "निस्सन्देह अल्लाह र उहाँका रसूलले मदिरा, मृत जनावर, सुँगुर र मूर्तिहरू निषेध गर्नुभएको छ ।" सोधियो : हे अल्लाहका रसूल! मरेका जनावरको बोसोलाई मानिसहरूले डुङ्गामा लगाउँछन्, छालामा लगाउँछन् र मानिसहरूले दियो बाल्न प्रयोग गर्छन् । त्यसको बारेमा हजुर के भन्नुहुन्छ? उहाँले भन्नुभयो: "होइन, त्यो पनि हराम हो ।" त्यस समयमा उहाँले भन्नुभयो: "अल्लाहले यहूदीहरूलाई नष्ट गरून्, जब अल्लाहले उनीहरूका लागि बोसोलाई निषेध गर्नुभयो, तब तिनीहरूले यसलाई पगाले, त्यसपछि बेचे र त्यसको पैसा खाए ।"
الترجمة
العربية Bosanski English Español فارسی Français Bahasa Indonesia Русский Türkçe اردو 中文 हिन्दी Hausa Kurdî অসমীয়া Kiswahili አማርኛ Tagalog Tiếng Việt ગુજરાતી Nederlands සිංහල پښتو ไทย Кыргызча മലയാളം Malagasy Svenska Română తెలుగు ქართული Moore Српски Magyar Português Македонски Čeština Українськаالشرح
जाबिर बिन अब्दुल्लाह (रजियल्लाहु अन्हुमा) ले रसूल (सल्लल्लाहु अलैहि वसल्लम) ले मक्कामाथि विजयको वर्ष मक्कामा भन्दै गरेको सुनें, उहाँले भन्नुभयो : अल्लाह र उहाँका रसूलले मदिरा, मृत जनावर, सुँगुर र मूर्तिहरू बिक्री गर्न निषेध गर्नुभएको छ । कसैले सोधे: हे अल्लाहका रसूल! के हामीलाई मृत जनावरहरूको बोसो बेच्न अनुमति छ? किनभने मानिसहरूले यसलाई डुङ्गाहरू रंग्न, छालालाई शुद्ध पार्न र दियो बाल्न प्रयोग गर्छन् । उहाँले भन्नुभयो: होइन, यसलाई किनबेच गर्न पनि निषेध गरिएको छ । उहाँले भन्नुभयो: अल्लाहले यहूदीहरूलाई नष्ट गरून्, जब अल्लाहले उनीहरूका लागि पशुहरूको बोसो निषेध गर्नुभयो, तब तिनीहरूले यसलाई पगाले, त्यसपछि बोसो बेचे र यसको मूल्य खाए ।فوائد الحديث
इमाम नववी भन्छन्: मुस्लिमहरूको सहमतिद्वारा मृत जनावर, मदिरा र सुँगुरहरूको खरिद बिक्री निषेध गरिएको छ ।
काजीले भने: जुन कुरालाई खान वा फाइदा उठाउन जायज छैन, त्यसलाई किनबेच गर्न र त्यसको मूल्य खान अनुमति छैन भन्ने कुरा यस हदीस मा समावेश छ ।
इब्ने हजरले भने: हदीसमा उल्लेखित "निषेधित" को अर्थ बिक्री गर्नु हो, प्रयोग होइन ।
हराम (निषेधित) लाई हलाल बनाउने हरेक चाल अमान्य छ ।
इमाम नववी भन्छन्: उलमा(विद्वानहरू)ले भनेका छन् : मृत जनावरहरू बेच्न निषेध हो । यदि हामीले कुनै काफिरलाई मार्छौं र काफिरहरूले उसको शवलाई लिन पैसा दिन्छ भने त्यो निषेध हो । हदीसमा छ: नौफल बिन अब्दुल्लाह अल-मख्जुमीलाई खनदकको युद्धमा मुस्लिमहरूले मारेका थिए, काफिरहरूले उनको मृत शरीर लिन दश हजार दिरहम दिने प्रस्ताव राखे, तर नबी (सल्लल्लाहु अलैहि वसल्लम) ले पैसा लिनुभएन र तिनीहरूलाई लाश दिनुभयो ।