إعدادات العرض
Xubin kasta oo xubnaha jirka ka mida waxaa ku waajiba sadaqo
Xubin kasta oo xubnaha jirka ka mida waxaa ku waajiba sadaqo
Abii Hureyra-Allaha ka raali ahaadee-wuxuu yiri: Rasuulka Ilaahay -naxariis iyo nabadi korkiisa ha ahaatee- wuxuu yiri: "Xubin kasta oo xubnaha jirka ka mida waxaa ku waajiba sadaqo, maalin kasta oo qoraxdu soo baxdo, labo qof oo uu dhex-dhexaadiyo waa u sadaqo, haduu ka caawiyo nin gaadiidkiisa isagoo gacan ku siinaya inuu fuulo ama alaabtiisa u soo dhiiba waa u sadaqo, hadalka fiicana waa u sadaqo, talaabo walba oo uu masaajidka u qaadaana waa u sadaqo, dariiqa oo dhibka uu ka fogeeyana waa u sadaqo."
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල دری অসমীয়া Tiếng Việt አማርኛ Svenska ไทย Yorùbá Кыргызча Kiswahili ગુજરાતી नेपाली Română മലയാളം Nederlands Oromoo తెలుగు پښتو Malagasy Kinyarwanda ಕನ್ನಡ Српскиالشرح
Nabigu-naxariis iyo nabadi korkiisa ha ahaatee- wuxuu cadeeyey in muslim kasta oo qaan gaar ah laga rabo maalin kasta xubin walba oo xubnaha jirkiisa ka mida sadaqo uu Ilaahay darti ula baxo isagoo uga mahad celinaaya Ilaahay caafimaadka, iyo inuu uga dhigay lafhiisa xubno uu soo laabi karo oo uu fidin karo. Sadaqadaas waxaa lagu bixin karaa camal kasta oo wanaagsan ee kuma xirna in xoolo la bixiyo oo kaliya waxaana ka mid ah: Dhex-dhexaadintaada iyo heshiisiintaada labo is heysata waa sadaqo, Midka aan awoodin inuu fuulo ama raro gaadiidkiisa oo aad caawisana waa sadaqo, hadalka wanaagsan sida: dikriga, ducada, salaanta, iyo qayrkeed waa sadaqo, Talaabo kasta oo aad u qaado salaada waa sadaqo, Dariiqa oo aad ka qaado wixii lagu dhibtoonayo waa sadaqo.فوائد الحديث
Qaabka ay iskugu rakiban yihiin lafaha iyo xubnaha aadanuhu waa nicmooyinka Ilaahay ee ugu waaweyn, waxaana loo baahan yahay in xubin walba sigaar ah looga sadaqo bixiyo, si ay u noqoto mahadnaqa nicmadaas.
Waxaa la is jeclaysiinayaa in la cusboonaysiiyo mahadnaqa maalin kasta, si ay nicmadaasi joogto u noqoto.
Waxaa la is jeclaysiinayaa in la joogteeyo sunaha iyo sadaqada maalin kasta.
Fadli wayn ayuu ku jira in dadka la heshiisiiyo .
Waxaa la isku boorinayaa in ninku walaalkiis caawiyo, waayo caawintiisu waa sadaqo.
Waxaa la isku boorinayaa in la tago jamaacaadka oo loo socdo salaada, oo masaajida lagu camiro arinkaas.
Waa waajib in la ixtiraamo dariiqa muslimiintu marayaan lagana fogeeyo wixii muslimiimta dhibayaa.
التصنيفات
Fadliga Islaamka iyo wanaagiisa