فوائد الحديث

အစီးအနင်း တိရစ္ဆာန်သည် ထမ်းနိုင်ပါက ၎င်းအပေါ်တွင် နောက်မှ အခြားသူတစ်ဦးကို တင်၍ စီနင်းခွင့်ရှိသည်။

တပည့်အနေဖြင့် သင်ကြားမည့်အကြောင်းအရာအပါ် သိချင်စိတ်ပြင်းပြလာစေရန်နှင့် စိတ်ဝင်စားမှုရှိလာစေရန်အတွက် ဆရာသည် လက်တွေ့မသင်ကြားမီအလျင် တပည့်အား မိမိအား သင်ကြားပေလိုကြောင်း ကြိုတင်ပြောပြရမည်။

တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် မိမိထက်ငယ်ရွယ်သူအား နူးညံ့သိမ်မွေ့စွာပင် ဆက်ဆံတော်မူသည်။ ကိုယ်တော်သည် မိန့်ကြားသည့်အခါတွင် “အို - ကောင်လေး ငါကိုယ်တော် သင့်အား အချို့ သောစကားရပ်များကို သင်ပေးတော်မူမည်။”ဟု ပြောကြားခဲ့သည်။

အစ်ဗ်နုအဗ္ဗားစ် (ရဿွိယလ္လာဟုအန်ဟုမာ) ၏ မွန်မြတ်မှုကို ဖော်ပြထားသည်။၎င်းမှာ တမန်တော်မြတ်သည် သူ့အား အသက်ငယ်ရွယ်စဥ်၌ပင် ဤကဲ့သို့သော ဆုံးမစကားမျိုးနှင့် ထိုက်တန်သူဟု မြင်ခဲ့ခြင်းကြောင့်ဖြစ်သည်။

တစ်ခါတစ်ရံ အကျိုးရလဒ်သည် လုပ်ရပ်အမျိုးအစား အတိုင်းပင်ရရှိသည်။

အလ္လာဟ်အရှင်မြတ်အပေါ် မှီခိုအားထားရန်နှင့် အရှင်မြတ်မှအပ အခြားမည်သူ့ကိုမျှ ယုံပုံအားကိုးခြင်းမပြုရန် အမိန့်ပေးထားသည်။ ထိုအရှင်မြတ်သည် အကောင်းဆုံး ယုံပုံအားထားရာ အရှင်ဖြစ်တော်မူသည်။

အဖန်ဆင်းခံအားလုံး၏ မတတ်စွမ်းနိုင်မှုနှင့် ၎င်းတို့သည် ကြီးကျယ် မြင့်မြတ်တော်မူသောအလ္လာဟ်အရှင်မြတ်ကိုသာ လိုလားအားထားနေရကြောင်း တင်ပြထားည်။

ဤလောကီဘဝသည် ဒုက္ခအခက်အခဲများနှင့် ရင်ဆိုင်ကြုံတွေ့ရမည့် နေရာဌာနဖြစ်ကြောင်း သတိပေးထားသည်။ ထို့ကြောင့် ၎င်းဒုက္ခများအပေါ် ဆွဗရ် သည်းခံမှုတရား ထားရှိရန်လိုအပ်သည်။

အရှင်မြတ်၏ ဆုံးဖြတ်ချက်နှင့် သက္ကဒီရ် သတ်မှတ်ချက်ကို ကျေနပ်နှစ်သက်ရမည်။

အကြင်သူသည် အလ္လာဟ်အရှင်မြတ်အား လျစ်လျူရှုခဲ့လျှင် (ဆိုလိုသည်မှာ အလ္လာဟ်အရှင်မြတ်၏ ဒီးန်သာသနာတော်အား လျစ်လျူရှုခဲ့လျှင်) အလ္လာဟ်အရှင်မြတ်သည်လည်း ထိုသူအား လျစ်လျူရှုတော်မူပြီး ထိန်းသိမ်းစောင့်ရှောက်တော်မူမည် မဟုတ်ပေ။

အကြင်သူသည် ကြီးကျယ်မြင့်မြတ်တော်မူသော အလ္လာဟ်အရှင်မြတ်၏ အမိန့်တော်များကို နာခံ၍ ထိန်းသိမ်းစောင့်ရှောက်ခဲ့လျှင် အရှင်မြတ်သည် ၎င်းအားလမ်းမှန်တရား ချီးမြှင့်ပြီး ကောင်းမြတ်သောအရာကို ညွှန်ကြားပြသတော်မူမည်။

ကြီးကျယ်လှသည့် သတင်းကောင်းတစ်ခုမှာ ဧကန်အမှန်လူသားထံ အခက်အခဲ ဆိုက်ရောက်လာပါက လွယ်ကူမှုကိုလည်း မျှော်လင့်စောင့်စားနေပါ။

လူသားသည် ဒုက္ခအခက်အခဲများရင်ဆိုင်ရသည့်အခါနှင့် ချစ်ခင်နှစ်သက် ရသည့်အရာကို လက်လွတ်ဆုံးရှုံးရသည့်အခါ ဟဒီးဆ်တော်တွင်လာရှိသော အဓိပ္ပါယ်နှစ်ခုအနက်မှ တစ်ခုဖြင့် ဖြေသိမ့်ရမည်ဖြစ်သည်။ ၎င်းမှာ “သင့်အတွက် မသတ်မှတ်ထားသော အရာသည် သင့်ထံသို့ ဆိုက်ရောက်လာမည် မဟုတ်သလို၊ သင့်အတွက် သတ်မှတ်ထားသော အရာသည်လည်း သင့်ထံမှ လွဲချော်သွားမည် မဟုတ်ပေ။” ပထမဝါကျသည် မနှစ်မြို့ဖွယ်ရာနှင့် ကြုံတွေ့ရသည့်အခါတွင် ဖြေသိမ့်ရန်ဖြစ်ပြီး၊ ဒုတိယဝါကျသည် ချစ်ခင်နှစ်သက် ရသည့်အရာကို လက်လွတ်ဆုံးရှုံးရသည့်အခါတွင် ဖြေသိမ့်ရန်ဖြစ်သည်။