digal nañu ma ma xeex ak nit ñi ba baa ñuy seede ne amul kenn ku ñu war a jaamu ku dul Yàlla ak ne Muhammat ndawul Yàlla la, ak taxawal julli, ak joxe asaka

Jële na ñu ci Ibn Umar -yal na leen Yàlla dollee gërëm- mu jële ci Yonnente bi -yal na ko Yàlla dolli xéewal ak mucc-mu wax ne: «digal nañu ma ma xeex ak nit ñi ba baa ñuy seede ne amul kenn ku ñu war a jaamu ku dul Yàlla ak ne Muhammat ndawul Yàlla la, ak taxawal julli, ak joxe asaka, bu ñu defee loolu ñoŋal nañu ci ma seen dereet ak seen alal lu dul ci àqi Lislaam, seenub regle nag ci Yàlla la aju».

[Wér na] [Al-buxaariy ak Muslim dëppoo nañu ci génnee ko ci seen ñaari téere yi gën a wér]

حفظ

حفظ الحديث بصيغة PDF

الشرح

Yonnente bi -yal na ko Yàlla dolli xéewal ak mucc- day xibaare ne Yàlla digal na ko mu xeex ak bokkaalekat yi ba keroog ñuy seede ne amul kenn ku ñu jaamu ci dëgg ku dul Yàlla moom dong amul bokkaale, ak ñu seedeel Muhammat -yal na ko Yàlla dolli xéewal ak mucc- ag yónnenteem, te jëfe li seede si laaj ci sàmmonte ak julliy juróom ci bis bi ak ci guddi gi, ak joxe asaka ji ñu farataal ñeel ñi ko yeyoo. Bu ñu defee bir yii kon Lislaam dana ñoŋal seen dereet ak seen alal, du dagan ñu ray leen lu dul bu ñu defee ñaawteef walla tooñaange juy warala ñu yeyoo ray ci ni ko àttey Lislaam warale, topp bisu pénc ba Yàlla mooy méngoo seenug regle ndax moo xam seen yu nëbbu yi.

فوائد الحديث

Àtte yi ci li feeñ lay ame, Yàlla nag mooy méngoo yi nëbbu.

Solos woote jëme ci Tawhiid ndaxte mooy li ñuy njëkk a tàmbalee ci woote.

Hadiis bii nag tekkiwul ga bokkaalekat yi ci dugg ci Lislaam, waaye dañu leen di tànnloo ci diggante dugg ci Lislaam walla joxe juuti; bu ñu bañee lu dul di tere nu woote ci Lislaam, dara desu fa lu dul rayante ak ñoom kem ni ko àttey Lislaam warale.

التصنيفات

Lislaam

digal nañu ma ma xeex ak nit ñi ba baa ñuy seede ne amul kenn ku ñu war a jaamu ku dul Yàlla ak ne Muhammat ndawul Yàlla la, ak taxawal julli, ak joxe asaka

digal nañu ma ma xeex ak nit ñi ba baa ñuy seede ne amul kenn ku ñu war a jaamu ku dul Yàlla ak ne Muhammat ndawul Yàlla la, ak taxawal julli, ak joxe asaka

البوابات الدعوية

التعريف بالإسلام

تعليم المهتدين الجدد

نشر وتعليم القرآن

تطوير مهارات الدعاة