الشرح

İbnu Məsud (Allah ondan razı olsun) xəbər verir ki, Peyğəmbər (Allahın salavatı və salamı onun üzərinə olsun) nikah, cümə xütbələri və digər xütbələrdə və müəyyən ethiyaclarla əlaqəli mövzularda məclisin açılışı zamanı deyilən xutbətul hacəni onlara öyrətdi. Bu xütbə Allahın hər növ həmdə layiq olduğunu, yalnız Ondan yardım diləməyin vacib olduğunu və Onun heç bir şəriki olmadığını, insanın günahlarını başqalarından gizlətdiyini, günahları əfv etdiyini, nəfsin şərlərindən və digər bütün şərlərdən Ona sığınmağın vacibliyini açıqlayan böyük mənaları özündə əks etdirir. Sonra Peyğəmbər (Allahın salavatı və salamı onun üzərinə olsun) xəbər verir ki, hidayət Allahın əlindədir, Allah kimi doğru yola yönəldərsə, onu kimsə azdırmaz, azdırdığı kəsi isə doğru yola yönəldən olmaz. Sonra, Allahdan başqa ibadətə layiq məbud olmadığını bildirən tövhidin şəhadətini və Muhəmmədin Allahın qulu və rəsulu olduğunu bildirən risalənin şəhadətini söyləyir. Nəhayət bu xütbəni əmrləri yerinə yetirmək və qadağanlardan çəkinməklə, uca və cəlal sahibi olan Allahın razılğını umaraq təqvaya sahib olmaq, bunun mükafatı isə əməllərin, sözlərin saflaşması, günahların silinməsi və bağışlanması, gözəl dünya həyatı, Qiyamət günü cənnət müjdəsi kimi mövzuları özündə ehtiva edən üç ayə ilə xətm edir.