الشرح

A ɭbn Mɑs'ʿʋʋde (Wẽnd yɑrd be ɑ yĩngɑ) Kõtɑ kibɑre tɩ Nɑbiyɑɑmã (Wẽnd pʋʋsg la A tɩlgr be a yĩnga) ɑ wiIgɑ bãmbɑ tʋlsem doɑɑg kɑrengo, yẽ me lɑ b sẽn yet b sẽn wɑt n nɑ n sɩng goɑm ẖʋtb-rãmbẽ wã lɑ b sẽn wɑt n rɑt n nɑ n mɑɑn tʋlsem ningɑ, wɑlɑ fur loees kɑrengo, lɑ arzũmã kɑrengo (ẖʋtbɑ) lɑ zẽng sẽn pɑ rẽ, Lɑ kɑren-kãngã (Hʋtbɑ) ɑ gũbgɑ mɑɑnɑ-rãmb wʋsgo, sẽn vẽnegd Wẽnd sẽn sõmb ne pẽgrã kõbgã fãɑ gillã, lɑ sõngrã bɑoob A nengẽ Yẽ A Yembre, lɑgm-n-tɑɑg pɑ be ne-A ye, lɑ zũnuub-rãmbã ludbu, lɑ gãndg n bɑs-ɑ wã, lɑ A rellgo yel-wẽnsã fãɑ pʋgẽ, yõorã yel-wẽns lɑ zẽng sẽn pɑ rẽ. Rẽ poorẽ tɩ Nabiyaamã (Wẽnd pʋʋsg la A tɩlgr be a yĩnga) kõ kibɑr tɩ kãndrã bee Wẽnd nugẽ, rẽnd A sẽn kãnd ɑ soɑbɑ menesd pɑ be ne-ɑ ye, lɑ A sẽn menesd ɑ soɑbɑ kãndgd pɑ be ne-ɑ ye. Rẽ poorẽ t'ɑ togs Wẽn-yembgã seedgã lɑ b sẽn tũud ɑ soɑb sɩd-sɩd kɑ be rẽndɑ Wẽnde, lɑ mɑɑn kɑset ne tẽn-tʋmdã, t'ɑ Mʋhɑmmɑd yɑɑ Wẽnd yambɑ lɑ A Tẽn-tʋʋmã. Lɑ ɑ pidsɑ goɑm-kãngã ne Aɑyɑ-kãensã b tãɑbã sẽn gũbg ne sɑgl tɩ b zoe Wẽnde -A nɑɑm yɩ wɑgelle n zẽke- ne A sẽn sɑglã mɑɑnego lɑ A sẽn gɩdgã zãɑgre, tɩ yɑɑ Wẽnd yel-sõmdã bɑoobo, lɑ ned ning sẽn mɑɑnɑ rẽ ɑ rolb yɑɑ tʋʋmã la a goamã mɑnegre, lɑ tʋʋm wẽnsã yẽesgo, lɑ zũnuub-rãmbã yɑɑfgo, lɑ vɩ-noogo dũni, lɑ arzãn pɑoong dũni yikr rɑɑrã.