الشرح

Ibnu Mas'uud yo weleende ALLa won e mum ina habra wonde Annabi yo ALLa juul e dow mum O hisno ɗum anndaniiɓe Khuɗba haaju, oon woni kaalateeɗo si haɗa uddita haala e kutba saanga haajuuji mumen, hono kutba dewgal wolla juma wolla ko nanndi heen . O kutba mbo soomii maanaaji mawɗi ina heen haandude ALLA e denndaangal jettooje, e ɗaɓɓude ballal ummaraade e kaŋko tan ala mbo renndi, e suurde bakkatuuji e yaafaade ɗi, e moolaade e ALLA e kala boneeji, boneeji fittaandu e ko wona ɗuum. Refti Annabi yo ALLa juul e dow mum O hisna ɗum habri wonde peewal woni ko e junngo Alla, kala mbo ALLa feewni ala majjinoowo mbo, kala mbo O majjini kadi alaa peewnoowo mbo. Refti O jaŋtii seede Tawhiid¹ e wonde ala deweteeɗo e goonga mbo wona kaŋko, e seedanaade Muhammadu wonde ko O maccuɗo ALLa e nelaaɗo mum. O timminiri hutba o ɗee aayeeje tati coomɗe yamirde kulol ALLA ngol woni gollude ko O yamiri e accude ko O haɗi ngam ɗaɓɓude ALLA, njoɓdi baɗɗa ɗuum ko ko golle makko moƴƴat e haala makko e heefde bonɗi e momtude bakkatuuji e nguurndam mbelɗam aduna e laakara e maleede naatde aljanna ñande darnga.