Ad kosgã yẽnda la tũudmã

Yii ɑ Annu'maan ɭbn Basɩɩr nengẽ -Wẽnd yɑrd be ɑ yĩngɑ- ɑ yeelɑme: Mɑm wʋmɑ Nɑbiyɑɑmã -Wẽnd pʋʋsg lɑ A tɩlgr be ɑ yĩngɑ- t'ɑ yetẽ: "Ad kosgã yẽnda la tũudmã", rẽ poorẽ t'a kareme: "{la yãmb Soaba yeelame: "kos-y-Ma tɩ M na reeg y yĩnga, ad neb nins sẽn waoogd b mens n yit Mam tũudmã, b na n kẽe Gεhannem tɩ b yaa yaalse} [Gaafɩrʋ: 60]".

[Naṣʋn Ṣahɩɩhʋn (Gom-sikdem sẽn manege)] [A Abʋʋ Daawʋʋd la a At-tirmiiziy la a ɭbn Maaǧa la a Ahmad n togs-a]

حفظ

حفظ الحديث بصيغة PDF

الشرح

Nabiyaamã -Wẽnd pʋʋsg la A tɩlgr be a yĩnga- kõo kibare, tɩ kosgã yẽnda la tũudmã, rẽnd sẽn yaa tɩlae a pʋgẽ, yaa t'a fãa gill yɩ, sẽn yɩlge, Wẽnd a yembr yĩnga, zem tɩ yaa kosg sẽn yaa bõn-raabo, ne a sẽn na n kos bũmb ning sẽn nafd yẽ la a tus bũmb ning sẽn namsd-a n yi-a dũni kaanẽ la laahre, maa mikame tɩ yaa tũudum doaaga yẽ me la bũmb fãa gill Wẽnd sẽn nonge la A yardẽ, sẽn yaa koeese la tʋʋma, sẽn vẽneg la sẽn solge, zem tɩ yaa sũy tʋʋma maa yĩng tʋʋma maa arzεk tʋʋma. Rẽ poorẽ tɩ Nabiyaamã -Wẽnd pʋʋsg la A tɩlgr be a yĩnga- na n togs daliili n tees n wilg yel-kãngã, n yeele: Wẽnd yeelame: {Kos-y-Ma tɩ M na reeg y yĩnga, ad neb nins sẽn waoogd b mens n yit Mam tũudmã, b na n kẽe Gεhannem tɩ b yaa yaalse}.

فوائد الحديث

Doaagã (Kosgã) yẽnda la tũudumã yẽgre, ka sõmb tɩ b wẽneg-a n kõ zẽng sẽn ka Wẽnd ye.

Doaagã a kʋmba tũudumã hakɩɩka la reeg-m-zugẽ ne Soabã sek-m-mengã la A tõogã, A Naam yɩ wagelle, la yamb sẽn tar tʋlsem wakat fãa n tʋg A nengẽ.

Pʋleng kεgeng ne waoog-m-mens rãmba n yi Wẽnd tũudumã la A kosgã basbã, tɩ ad neb nins sẽn waoogd b mens n yit Wẽnd tũudmã, b na n kẽe Gεhannem tɩ b yaa yaalse.

التصنيفات

Merits of Supplication

Ad kosgã yẽnda la tũudmã

Ad kosgã yẽnda la tũudmã

البوابات الدعوية

التعريف بالإسلام

تعليم المهتدين الجدد

نشر وتعليم القرآن

تطوير مهارات الدعاة