الشرح

Leerarug adiis bi: Yónente bi -yal na ko Yàlla dolli xéewal ak mucc- day xamle ne ñaan mooy jaamu Yàlla, kon li war mooy mu nekk lu sell ñeel Yàlla, moo xam wooteg laaj la walla wooteg sàkku, ci di laaj Yàlla mu kawe mi lu koy jariñ, ak jeñ lu koy lor ci àdduna ak allaaxira, walla muy wooteg jaamu, te mooy lépp lu Yàlla bëgg te gërëmloo ko ci ay wax ak i jëf yi feeñ ak yi nëbbu, jaamuy xol yi walla yu yaram yi mbaa yu alal yi Yónente bi -yal na ko Yàlla dolli xéewal ak mucc- tegtaloo na ci loolu ne: Yàlla wax na ne: {wooleen ma ma wuyu leen ñi ma rëy a ñaan danañu dugg Jahannama di way-torox}