الشرح

အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)က မိန့်ကြားတော်မူခဲ့သည်မှာ အလ္လာဟ်အရှင်မြတ်သည် အဖန်ဆင်းခံများ၏ သက္ကဒီရ်သတ်မှတ်ချက်များကို ရေးဆွဲတော်မူခဲ့၏။ ဆိုလိုသည်မှာ အလ္လာဟ်အရှင်မြတ်သည် မိုးကောင်းကင်များနှင့် မြေပထဝီအားမဖန်ဆင်းမီ နှစ်ပေါင်းငါးသောင်းအလျင်ကပင် အဖန်ဆင်းခံအားလုံး၏ သက္ကဒီရ်သတ်မှတ်ချက်များနှင့် ဖြစ်ပေါ်လာမည့်ကိစ္စရပ်များကို ‘လောင်ဟိမဟ်ဖူဇ်’သင်ပုန်း၌ ရေးမှတ်တော်မူထားပြီးဖြစ်သည်။ ထိုအရှင်မြတ်၏(အရ်ရှ်)ပလ္လင်တော်သည် ရေပေါ်၌ရှိတော်မူ၏ဟူသည့် ကိုယ်တော်၏ မိန့်ကြားချက်သည် အလ္လာဟ်အရှင်မြတ်၏ အမိန့်တော်ဖြစ်သည့် (ထိုအရှင်မြတ်၏(အရ်ရှ်)ပလ္လင်တော်သည် ရေပေါ်၌ရှိခဲ့လေသည်။) ကုရ်အာန် (၁၁:၇)နှင့် ကိုက်ညီပေသည်။ထိုသို့ ရေးမှတ်ထားခြင်းအပေါ် အီမာန်သက်ဝင်ယုံကြည်ခြင်းသည် သက္က်ဒီရ် သတ်မှတ်ချက်နှင့်ဆုံးဖြတ်ချက်တို့အပေါ် အီမာန်သက်ဝင်ယုံကြည်ခြင်း၏ ကဏ္ဍများအနက်မှ ကဏ္ဍတစ်ခုဖြစ်ပြီး ၎င်း၏အပြည့်စုံဆုံးအဆင့်မှာ အလ္လာဟ်အရှင်မြတ်သည် အရာခပ်သိမ်းအလုံးစုံကို မိမိ၏ ‘အိလ်မ်’အသိတော်ဖြင့် အသေးစိတ်သိရှိတော်မူကြောင်း ယုံကြည်ခြင်း၊ အရှင်မြတ်၏အလိုတော်၊ အရှင်မြတ်၏ဆန္ဒတော်နှင့် အရှင်မြတ်၏အလိုတူမှု၊ အရှင်မြတ်၏ဖန်ဆင်းမှုမရှိဘဲ မည်သည့်အဖန်ဆင်းခံမျှမဖြစ်ပေါ်နိုင်ကြောင်းသက်ဝင်ယုံကြည်ခြင်းတို့ဖြစ်သည်။