فوائد الحديث

பருவமடைந்த அனைத்து ஆண்கள் மீதும் கூட்டுத் தொழுகை (தனிப்பட்ட) கடமையாகும்.

நலவுகள் செய்வதை விட தீங்குகளைத் தடுப்பதற்கே முன்னுரிமை வழங்கப்படும், தண்டனைக்குத் தகுதியற்றவர்களும் சேர்த்துத் தண்டிக்கப்படுவார்கள் என்ற அச்சமே நபியவர்கள் கூட்டுத்தொழுகைக்கு வராதோரைக் கொழுத்தாமல் இருக்கக் காரணமாகும்.

தண்டிக்காமல் இலகுவான எச்சரிக்கை மூலமே ஒரு தவறு நீங்கி விடும் என்றால் தண்டனைக்குச் செல்லாமல் அந்த இலகு வழியுடனேயே போதுமாக்கிக் கொள்ள வேண்டும். ஏனெனில் நபியவர்களும் தண்டனையை விட எச்சரிக்கையையே இங்கு முன்னுரிமைப் படுத்தியுள்ளார்கள்.

அனைத்துத் தொழுகைகளுமே நயவஞ்சகர்களுக்கு சுமையானதுதான், இருப்பினும் இஷாவும், பஜ்ருமே மிகச் சுமையானதாகும்.

நயவஞ்சகர்கள் தமது வணக்கத்தின் மூலம் முகஸ்துதியையும், புகழையுமே நாடுவார்கள், ஏனெனில் மக்கள் காணும் நேரத்தில் தவிர அவர்கள் தொழுகைக்கு வர மாட்டார்கள்.

இஷா, பஜ்ர் தொழுகைகளின் சிறப்பு இங்கு கூறப்பட்டுள்ளது.

இஷா, பஜ்ர் தொழுகைகளைக் கூட்டாக நிறைவேற்றுதனால் பாரிய கூலி கிடைப்பதுடன், தவழ்ந்தாவது சமூகந்தர மிக அருகதையானதே அவ்விரு தொழுகைகளும்.

இஷா, பஜ்ர் தொழுகைகளின் சிரமம் அவ்விரண்டையும் கூட்டாக நிறைவேற்றுவதிலேயே உள்ளது, நபிமொழியின் வசனநடை அதனையே உணர்த்துகின்றது. அதனை விட்டும் பின்வாங்குவதற்கான உந்து சக்தி, மற்றும் திசை திருப்புவதற்கான காரணி பலமாக இருப்பதனாலேயே இவ்விரு தொழுகைகளும் சுமையாக உள்ளது.

தொழுகை நடத்தும் இமாமிற்கு அவசிய வேலைப்பளுக்கள் இருப்பின், தனக்குப் பிரதிநிதியாக வேறொருவரை நியமிக்கலாம்.

குற்றவாளிகள் அவர்களது கவனமின்மைக்காகக் குற்றம் பிடிக்கப்படுவர்.