الشرح

Jwatetele mtenga jwa Allah umma wakwe kuti akasawecheta kwa ichindu yakulongosola achimisyene itabu mu itabumwawomo Ligongo waliji Ayuda mu ndayi ja mtume alinkuwalanga tora mu chiwecheto cha chi hibru;chachili chiwecheto cha Ayuda;nikugo[olelaga mu charabu. Nimtume chanasa ni utendele ijale kwa jwalakwejo watite kuti nkasimwajitichisya wandu wa mabuku,nambo soni nkasimwakanila ligongo ayiyi niyindu yangamanyika kuti ana yakuona kapena yaunami. Ligongo lyanti Allah jwatulamwile kulupilila iwatuluswe kwa m'mwe mu Quraan,nambo soni iwatulusye kwa jemanjawo m'ma buku gawo,nambo kuti nganitukola litala lyakumanyililila kuti ayi yakuona kutochela m'mabuku ligongo lyangalondeka kwakwe,ligongo pangali ikulosya kwa m'we kuti ana yakuona kapena ya unami niyapi. Tukuyeneleka kwima ngajigala mbali ja kwitichisya,kuti tukawa mu gulu jimo nijemanjawo kwa ichindu yasindile m'mabuku mwawomo,ligongo komboleka kuwa yakuona,nichituwe kuti tukukanila pa ichindu iwatumisye Allah kuti tukulupilire. Jwalamwile mtume chanasa ni utendele ijale kwa jwalakwejo kuti tuwecheteje kuti: {Tukulupilile mwa Allah niyayatuluche kwa m'we niyayatuluche kwa Ibrahim,Ishmael,Ishaqa,Ya'aqub ni isukulu yakwe niyawapedwile Mussa ni Issah ni achimitume kuumila kwa Ambuje wawo,ngatukulekaganya chilikati cha wangayawo,soni m'we kukwakwe tukulipeleka. [ Al baqara;136].