الشرح

Kira y'a màntow ladi nɛɛma ni kisi b'a ye ka bɔ malasali ma gafedunkew bɛ min lakalen u ka gafew kɔnɔ, Ka d'a kan yahudiyaw tun kɛra kira ka waati la kisi b'a ye u bɛ tawurata kalan eburekan de la; n'o ye yahudiyaw ka kan ye, o kɔfɛ u b'a fàsari arabukan na, Kira ko nɛɛma ni kisi b'a ye: aw ka na gafe dùngew tuɲatigiya wa aw ka na u nkalontigiya, o bɛ fɔ fɛn ma min nkalon tɛ dɔn ka b'a tuɲa na; O la ka d'a kan kɔrɔtalen Ala y'an yamaruya ka limaniya min jìgìna an kan ka bɔ kurana la, ani min jìgìna u kan ka bɔ gafew la, n ka sira wɛrɛ tɛ anw bolo f'an ka tuɲa dɔn ka bɔ nkalon na u bɛ min lakalen gafe ninnu kɔnɔ n'a ma lakalen an ka sariya la min b'a tuɲa walawala ka bɔ nkalon na, An b'an yɛrɛ minɛ; an ka na fàra u kan u ye min yɛlɛma o la; an t'u nkalontigiya fana; a dɔ la a bɛ sɛ ka kɛ tuɲa ye, Ala y'an yamaruya ka limaniya min na an b'o nankari n'an y'u nkalontigiya, Kira ye yamaruyali kɛ kisi b'a ye an k'a fɔ: {An limaniyala Ala la ani min jìgìna an kan ani min jìgìna iburahima ni isimaila ni Isiaka ni Yakuba n'a mɔdenw kan ani min dira Musa ni Isa ma ani min dira Nabiɲumanw ma ka bɔ u tìgi yɔrɔ, anw tɛ u bɔ ɲɔgɔnna wa anw ye kolonbaaw ye u bɛɛ ye} [Mìsìmuso kofɔ suran 136].