إعدادات العرض
خودانێن په‌ڕتووكێ نه ڕاست ده‌ربێخن و نه دره‌وین ده‌ربێخن و بێژن: {آمَنَّا بِاللهِ وَمَا أُنْزِلَ إِلَيْنَا}
خودانێن په‌ڕتووكێ نه ڕاست ده‌ربێخن و نه دره‌وین ده‌ربێخن و بێژن: {آمَنَّا بِاللهِ وَمَا أُنْزِلَ إِلَيْنَا}
ژ ئه‌بو هوره‌یره‌ی (خودێ ژێ ڕازی بیت) گۆت: خودانێن په‌ڕتووكێ ته‌وڕات ب زمانێ عیبرانی دخواند و ب زمانێ عه‌ره‌بی ڕاڤه دكر بۆ موسلمانان، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((خودانێن په‌ڕتووكێ نه ڕاست ده‌ربێخن و نه دره‌وین ده‌ربێخن و بێژن: {آمَنَّا بِاللهِ وَمَا أُنْزِلَ إِلَيْنَا} [البقرة: 136]، ئانكو: ((مه باوه‌ری ب خودێ و ئه‌و تشتێ ئینایه خوار ئینا)) هه‌تا دویماهیكا ئایه‌تێ)).
الترجمة
العربية English မြန်မာ Svenska Čeština ગુજરાતી Yorùbá Nederlands اردو Español Bahasa Indonesia ئۇيغۇرچە বাংলা Bosanski සිංහල हिन्दी Tiếng Việt Hausa മലയാളം తెలుగు Kiswahili پښتو অসমীয়া Shqip دری Ελληνικά Български Fulfulde ಕನ್ನಡ Кыргызча Lietuvių Română Kinyarwanda Српски тоҷикӣ O‘zbek नेपाली Moore Kurdî Wolof Soomaali Français Azərbaycan Tagalog Українська தமிழ் Bambara Deutsch ქართული Português Македонски Magyar Русский 中文 فارسی ភាសាខ្មែរ Malagasy Oromoo ไทย मराठी ਪੰਜਾਬੀ Türkçe Lingala Italiano አማርኛ Danskالشرح
پێغه‌مبه‌ری (صه‌لات و سه‌لامێن خودێ ل سه‌ر بن) ئوممه‌تا خۆ ژ هندێ هشیاركر كو ب وان ڤه‌گێڕانێن خودانێن په‌ڕتووكێ د په‌ڕتووكێن خۆدا ڤه‌دگێڕن ب سه‌ردا بچن، ژ به‌ر كو جوهییان ل سه‌رده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) ته‌وڕات ب زمانێ عیبری دخواند كو ئه‌و ژی زمانێ جوهییانه و ب زمانێ عه‌ره‌بی ڕاڤه دكر، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: نه باوه‌ر ژ خودانێن په‌ڕتووكێ بكه‌ن و نه دره‌وین ده‌ربێخن، ئه‌ڤه ژی بۆ وی تشتێ نه‌هاتییه زانین كا ڕاسته یان دره‌وه، ئه‌ڤه ژی چونكی خودایێ مه‌زن فه‌رمان ل مه كرییه ئه‌م باوه‌رییێ ب وی تشتی بینین یێ وی بۆ مه ئینایه خوارێ ژ قورئانێ و ئه‌وا وی بۆ وان ئینایه خوارێ ژ په‌ڕتووكان، به‌لێ پا مه چ ڕێك نینن كو پێ بزانین ئه‌و تشتێ ئه‌و ژ ڤان په‌ڕتووكان ڤه‌دگێڕن كیژ یا دروست و ڕاسته و كیژ دره‌وه، چونكی د شه‌ریعه‌تێ مه‌دا تشته‌كێ وه‌سا نه‌هاتییه ڕاستی و نه‌ڕاستییا وان بۆ مه ڕۆهن و دیار بكه‌ت، له‌وا ئه‌م دێ ڕاوه‌ستین، نه باوه‌ر ژێ دكه‌ین، داكو نه‌بینه شریك و هه‌ڤپشكێن وان د وێ گوهاڕتنا وان د په‌ڕتووكێن خۆدا كری، كا چاوا ئه‌م وان دره‌وین ژی ده‌رنائێخین، چونكی دبیت ئه‌و گۆتن یا دروست و ڕاست بیت و ب ڤێ چه‌ندێ ئه‌م دێ وی تشتێ فه‌رمان ل مه هاتییه كرن باوه‌رییێ پێ بینین ڕه‌دكه‌ین. دیسان پێغه‌مبه‌ری (صه‌لات و سه‌لامێن خودێ ل سه‌ر بن) فه‌رمان ل مه كر ئه‌م بێژین: ((مه باوه‌رى ب خودايێ ئێكانه ئينايه و ب وێ يا بۆ مه هاتییه خوارێ ژ وێ قورئانا خودێ ب وه‌حى بۆ پێغه‌مبه‌رێ خۆ هنارتى، ب وێ يا بۆ ئيبراهيم و ئيسماعيلى و ئيسحاقى و يه‌عقووبى و نه‌ڤییێن وى هاتییه خوارێ و ب وێ يا بۆ مووساى و عيساى و پێغه‌مبه‌ران هه‌مییان ژ نیك خودايێ وان ب وه‌حى هاتى، ئه‌م د باوه‌رییێدا چ جوداهیێ د ناڤبه‌را واندا ناكه‌ين، ئه‌م ب گوهدارییێ و په‌رستنێ ته‌سليمى وى بووينه)). [البقرة: 136].فوائد الحديث
ئه‌و تشتێ خودانێن په‌ڕتووكێ گۆتی و به‌حس ژێ كری؛ سێ پشكه: پشكه‌ك ژ وێ د گه‌ل قورئان و سوننه‌تێ دگونجیت، ئه‌ڤ پشكه دێ هێته ڕاستده‌رئێخستن و باوه‌ركرن، پشكه‌ك دژی قورئان و سوننه‌تێیه، ئه‌ڤه ژی یا باتله و ب دره‌و دێ هێته دانان، پشكا سێیێ ژی چ به‌ڵگه د قورئان و سوننه‌تێدا نینن كو ئاماژه‌یێ بكه‌نه سه‌ر دروستی یان دره‌وا وێ، ئه‌ڤ پشكه دێ هێته ڤه‌گوهاستن، به‌لێ نه دهێته ڕاست ده‌رئێخستن و نه‌دهێته دره‌و ده‌رئێخستن.