فوائد الحديث

ਫ਼ਜਰ ਅਤੇ ਅਸਰ ਦੀ ਨਮਾਜ਼ ਪਾਬੰਦੀ ਨਾਲ ਪੜ੍ਹਨ ਦੀ ਫਜ਼ੀਲਤ (ਮਹੱਤਤਾ), ਕਿਉਂਕਿ ਫ਼ਜਰ ਦੀ ਨਮਾਜ਼ ਮਿੱਠੀ ਨੀਂਦ ਦੇ ਸਮੇਂ ਪੜ੍ਹੀ ਜਾਂਦੀ ਹੈ ਅਤੇ ਅਸਰ ਦੀ ਨਮਾਜ਼ ਕੰਮ-ਕਾਰ ਦੇ ਸਮੇਂ। ਇਸ ਲਈ, ਇਨ੍ਹਾਂ ਦੋਵਾਂ ਨਮਾਜ਼ਾਂ ਦੀ ਪਾਬੰਦੀ ਕਰਨ ਵਾਲਾ ਵਿਅਕਤੀ ਆਪਣੇ ਆਪ ਬਾਕੀ ਨਮਾਜ਼ਾਂ ਦੀ ਵੀ ਪਾਬੰਦੀ ਕਰੇਗਾ।

ਫ਼ਜਰ ਅਤੇ ਅਸਰ ਦੀਆਂ ਨਮਾਜ਼ਾਂ ਨੂੰ ਠੰਡੀਆਂ ਨਮਾਜ਼ਾਂ ਦਾ ਨਾਂ ਇਸ ਲਈ ਦਿੱਤਾ ਗਿਆ ਹੈ ਕਿਉਂਕਿ ਫ਼ਜਰ ਦੀ ਨਮਾਜ਼ ਵੇਲੇ ਰਾਤ ਦੀ ਠੰਡਕ ਹੁੰਦੀ ਹੈ ਅਤੇ ਅਸਰ ਦੀ ਨਮਾਜ਼ ਵੇਲੇ ਦਿਨ ਦੀ ਠੰਡਕ ਹੁੰਦੀ ਹੈ। ਉਂਜ ਅਸਰ ਦੀ ਨਮਾਜ਼ ਗਰਮੀ ਦੇ ਸਮੇਂ ਪੜ੍ਹੀ ਜਾਂਦੀ ਹੈ, ਲੇਕਿਨ ਉਸ ਵੇਲੇ ਗਰਮੀ ਪਹਿਲਾਂ ਨਾਲੋਂ ਘਟ ਜਾਂਦੀ ਹੈ। ਜਾਂ ਇਹ ਵੀ ਹੋ ਸਕਦਾ ਹੈ ਕਿ ਇਹ ਨਾਂ 'ਤਗ਼ਲੀਬਨ' (ਇੱਕ ਨੂੰ ਦੂਜੇ 'ਤੇ ਹਾਵੀ ਕਰਦੇ ਹੋਏ) ਦਿੱਤਾ ਗਿਆ ਹੋਵੇ, ਜਿਵੇਂ ਅਰਬਾਂ ਵਿੱਚ ਸੂਰਜ ਤੇ ਚੰਨ ਨੂੰ ਅਲ-ਕਮਰਾਨ ਭਾਵ ਦੋ ਚੰਨ ਕਿਹਾ ਜਾਂਦਾ ਹੈ।