إعدادات العرض
“Dájúdájú ọfọ̀ ati àsokọ́ra ati oògùn ifẹran, ẹbọ ni”
“Dájúdájú ọfọ̀ ati àsokọ́ra ati oògùn ifẹran, ẹbọ ni”
Lati ọdọ Abdullahi ọmọ Mas'hud- ki Ọlọhun yọnu si i- o sọ pé: Mo gbọ ti ojiṣẹ Ọlọhun- ki ikẹ Ọlọhun ati ọla Rẹ maa ba a- n sọ pé: “Dájúdájú ọfọ̀ ati àsokọ́ra ati oògùn ifẹran, ẹbọ ni”
الترجمة
عربي বাংলা Bosanski English Español فارسی Bahasa Indonesia Tagalog Türkçe اردو 中文 हिन्दी Français Kurdî Português മലയാളം తెలుగు Kiswahili தமிழ் සිංහල မြန်မာ Русский Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Nederlands ئۇيغۇرچە Hausa ไทย دری ff hu it kn Кыргызча Lietuvių or ro rw so Српски uz mos नेपाली mg tgالشرح
Anọbi- ki ikẹ Ọlọhun ati ọla Rẹ maa ba a- ṣàlàyé àwọn nǹkan ti ṣíṣe wọn wa ninu ẹbọ, ninu wọn ni: Akọkọ: Ọfọ̀: Oun ni ọ̀rọ̀ ti àwọn ara àsìkò ki Isilaamu to de fi maa n ṣe ìwòsàn, ti o ni ẹbọ nínú. Ìkejì: Àsokọ́ra lati ara ìlẹ̀kẹ̀ ati nǹkan ti o jọ ọ: Eyi ti wọn maa n so kọ ọmọdé lọrun, ati awọn ẹran-ọ̀sìn, ati nǹkan ti o yatọ si i, lati ti ojukoju dànù. Ikẹta: Oogun ifẹran: Eyi ti wọn ṣe lati jẹ ki ọkọ ati ìyàwó nífẹ̀ẹ́ ara wọn. Àwọn nǹkan wọ̀nyí wa nínú ẹbọ; torí pé o wa ninu fifi nǹkan ṣe okùnfà, ti kii sii ṣe okùnfà ti o ba òfin mu ti o rinlẹ pẹ̀lú ẹ̀rí, kii sii ṣe okùnfà ti ìmọ̀lára ti o rinlẹ pẹ̀lú ìrírí. Ṣùgbọ́n àwọn òkùnfà ti o ba ofin mu gẹ́gẹ́ bii kika Kuraani, tabi eyi ti o jẹ ti ìmọ̀lára gẹ́gẹ́ bii àwọn oògùn ti o rinlẹ pẹ̀lú ìrírí, èyí ni ẹtọ pẹlu adisọkan pe okùnfà ni, ati pe àǹfààní ati ìnira wa lọ́wọ́ Ọlọhun.فوائد الحديث
Ṣiṣọ taohid ati adisọkan kúrò nibi nǹkan ti o maa ba a jẹ́.
Ṣíṣe lilo ọfọ ti ẹlẹbọ ati àsokọ́ra ati oogun ifẹran ni eewọ.
Adisọkan ọmọniyan nipa awọn mẹtẹẹta yii pe okùnfà ni wọn: Oun ni ẹbọ kekere; torí pé o ṣe ohun ti kii ṣe okùnfà ni okùnfà, ṣùgbọ́n ti o ba ni adisọkan pe oun ni yoo ṣe anfaani tabi fa inira funra rẹ, ìyẹn ni ẹbọ ńlá.
Ikilọ kuro nibi ṣíṣe àwọn òkùnfà ti ẹlẹbọ ati eyi ti o jẹ eewọ.
Ṣíṣe ọfọ ni eewọ, ati pe ẹbọ ni, ayafi eyi ti o ba ba sharia mu.
O tọ́ ki ọkàn rọ̀ mọ́ Ọlọhun nìkan, ọdọ Rẹ ni ìnira ati àǹfààní ti n wa, ko ni orogun, ko si ẹni ti o le mu oore wa ayafi Ọlọhun, ko si si ẹni ti o le ti aburu lọ ayafi Ọlọhun.
Ọfọ ti o tọ́ ni eyi ti o ko májẹ̀mú mẹta sinu:
1- Ki a ni adisọkan pe okùnfà ni wọn, wọn ko lee ṣe anfaani ayafi pẹ̀lú iyọnda Ọlọhun.
2- Ki wọn jẹ pẹlu Kuraani ati awọn orukọ Ọlọhun ati awọn iroyin Rẹ, ati awọn adua ti Anọbi, ati awọn adua ti wọn ba sharia mu.
3- Ki wọn jẹ pẹlu èdè ti a gbọye, ti ko si nii ni ìwé oògùn ati ẹtan ninu.