إعدادات العرض
((دێ هندهك سهرۆك و ڕێبهر پهیدا بن كو مال و تشتێن دونیایێ بۆ خۆ دبهن و دێ هندهك كاران ئهنجام دهن كو هوین ب خراب دبینن و پێ د ڕازی نینن))، گۆتن: ئهی…
((دێ هندهك سهرۆك و ڕێبهر پهیدا بن كو مال و تشتێن دونیایێ بۆ خۆ دبهن و دێ هندهك كاران ئهنجام دهن كو هوین ب خراب دبینن و پێ د ڕازی نینن))، گۆتن: ئهی پێغهمبهرێ خودێ؛ تو فهرمانێ ب چ ل مه دكهی؟ گۆت: ((هوین وی حهقێ ل سهر ملێن ههوه ههی ئهنجام بدهن، و داخوازا وی حهقێ ههوه ل دهڤ وان ههی ژ خودێ بكهن))
ئبن مهسعوود (خودێ ژێ ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: ((دێ هندهك سهرۆك و ڕێبهر پهیدا بن كو مال و تشتێن دونیایێ بۆ خۆ دبهن و دێ هندهك كاران ئهنجام دهن كو هوین ب خراب دبینن و پێ د ڕازی نینن))، گۆتن: ئهی پێغهمبهرێ خودێ؛ تو فهرمانێ ب چ ل مه دكهی؟ گۆت: ((هوین وی حهقێ ل سهر ملێن ههوه ههی ئهنجام بدهن، و داخوازا وی حهقێ ههوه ل دهڤ وان ههی ژ خودێ بكهن)).
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල Svenska Čeština ગુજરાતી Yorùbá ئۇيغۇرچە Tiếng Việt پښتو অসমীয়া دری Кыргызча or नेपाली Kinyarwanda తెలుగు Lietuvių Română മലയാളം Nederlands Soomaali Српски Українська Deutsch ಕನ್ನಡ Wolof Moore Shqip Magyar ქართული Azərbaycan தமிழ் Македонски မြန်မာ አማርኛ Malagasy Oromoo ไทย मराठी ਪੰਜਾਬੀ O‘zbek ភាសាខ្មែរالشرح
پێغهمبهر (صهلات و سهلامێن خودێ ل سهر بن) مه ئاگههدار دكهت كو دێ هندهك كهس بنه سهرۆك و ڕێبهر و كاربدهست ل سهر موسلمانان كو دێ مالێ موسلمانان و تشتێن دونیایێ بۆ مهرهمێن خۆ بكارئینن و موسلمانان ژ حهقێ وان بێبار كهن. و د بابهتێن ئایینی ژیدا دێ هندهك تشت ژ وان پهیدا بن كو ب دژی شهریعهتینه و خهلك یێ پێ ڕازی نینه. ئینا صهحابییان پرسیار كر: وی دهمی ئهم چ بكهین؟ پێغهمبهری (صهلات و سهلامێن خودێ ل سهر بن) گۆته وان كو بلا ئهڤ زۆردارییا وان کو مالێ هەوە ل دەڤ خۆ هێلای نهبیته ئهگهر هوین ب وی حهقێ وان ل سهر ههوه ههی (كو گوهداری و نهڕابوونه ل دژی وان) ڕانهبن، بهلكی سهبر و ههدارێ بكێشن و گوهدارییێ بكهن و نهبنه ئهگهرێ پهیدابوونا فتنێ، و داخوازا حهقێ خۆ ژ خودێ بكهن و دوعا بكهن خودێ وان باش بكهت و خرابی و زۆردارییا وان دویر بكهت.فوائد الحديث
فهرمووده ئێكه ژ نیشان و بهڵگهیێن ڕاستییا پێغهمبهرینییا وی، چونكی بهحسێ تشتهكی كر كو دێ ل پاشهڕۆژێ د ناڤ ئوممهتا ویدا پهیدا بیت و وهكی وی گۆتی ڕویدا.
دروستییا ئاگههداركرنا كهسێ تووشی بهلایێ دبیت ب وێ بهلایا دێ ب سهردا هێت؛ دا كو دهروونێ خۆ بۆ ئاماده بكەت و دهمێ دهێت سهبر و ههدارێ ل سهر بكێشیت و بۆ خۆ ب خێر حسێب بكهت.
دهستگرتن ب قورئان و سوننهتێڤه ڕێكا ڕزگاربوونێیه ژ فتنه و جوداهی و ژێكڤهبوونان.
هاندان ل سهر گوهدارییا دهسهلاتداران د كارێن باشدا و نهڕابوون ل دژی وان ههتا ئهگهر زۆرداری ژی ژێ پهیدا ببیت.
بكارئینانا دانایی و حیكمهتێ و دویڤچوونا سوننهتێ ل دهمێ پهیدابوونا فتنهیان.
پێدڤییه مرۆڤ ئهركێ ل سهر ملێن خۆ ئهنجام بدهت ههتا ئهگهر زۆرداری ژی لێ هاتبیته كرن.
د ڤێ فهرموودهیێدا بهڵگهیهك ل سهر وی بناخهی ههیه یێ كو دبێژیت: مرۆڤ دناڤبهرا دوو خرابییاندا، خرابییا كێمتر ههلدبژێریت.
التصنيفات
Duties of the Imam