الشرح

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ရှင်းလင်းတင်ပြသည်မှာဧကန်မုချ မုအ်မင်န်သက်ဝင်ယုံကြည်သူတို့သည် ညီနောင်များဖြစ်ကြရာ ၎င်းတို့အနက်တစ်ဦး နာကျင်လျှင် အခြားသူတို့ကပါ နာကျင်ခံစားရပြီး၊ တစ်ဦးပျော်ရွှင်လျှင် အခြားသူတို့ပါ ပျော်ရွှင်ရသည်။ ၎င်းတို့၏ စကားသည် ညီညွတ်သည်။ ၎င်းတို့သည် မိမိတို့ကို ကျုးကျော်စော်ကားသူတို့အား တုန့်ပြန်ရာတွင် လက်တစ်ဖက်ကဲ့သို့ပင် စည်းလုံးညီညွတ်ကြသည်။ သို့ရှိရာ မုအ်မင်န်တို့သည်စည်းလုံးမှုရှိရန်နှင့် မိမိတို့အား အုပ်ချုပ်သူ၏ အမိန့်ကို နာခံရန် အရေးကြီးသည်။ ၎င်းအပြင် အမိန့်မနာခံဘဲခွဲထွက်သွားသော သူပုန်တို့နှင့် ပတ်သက်ပြီးအုပ်ချုပ်သူအား ကူညီရန် အရေးကြီးသည်။ အဘယ်ကြောင့်ဆိုသော် ပုန်ကန်သူသည် မွတ်စ်လင်မ်တို့၏ စည်းလုံးမှုကို ပြိုကွဲအောင် လုပ်သောသူဖြစ်ပြီး မွတ်စ်လင်မ်တို့နှင့် ဆန့်ကျင်၍ လက်နက်ကိုင်ဆောင်သူ၊ ကြောက်ရွံ့စေသူဖြစ်သည်။ထို့ကြောင့် ပုန်ကန်သူတို့အား ကြီးကျယ်မြင့်မြတ်တော်မူသော အလ္လာဟ်အရှင်မြတ်၏ အမိန့်တော်ဘက်သို့ ပြန်လှည့်လာသည်အထိ စစ်မက်ပြိုင်ဆိုင်တိုက်ခိုက်ရန် တာဝန်ရှိသည်။ အဘယ်ကြောင့်ဆိုသော် မွတ်စ်လင်မ်တို့အနက်မှခွဲထွက်သူ၊ ပုန်ကန်သူတို့၏ နှလုံးသား၌ အစ္စလာမ့်ချစ်စိတ်မရှိကြပေ။ ဤပြစ်မှုသည် ကြီးလေးသောပြစ်မှုကြီးများအနက်မှ ဖြစ်ကြောင်းကို ညွန်ပြနေသည့်အလွန်ပြင်းထန်သော ခြိမ်းခြောက်မှုတစ်ရပ်ကို ဟဒီးဆ်တော်၌တင်ပြထားသည်။ သို့ဖြစ်၍ ထိုသို့သောလုပ်ရပ်မျိုးမှ သတိပေးခြိမ်းခြောက်ပြီးတားမြစ်ထားကြောင်း သိရသည်။ ထို့ကြောင့် ပုန်ကန်သူများအား စစ်မက်ပြိုင်ဆိုင်တိုက်ခိုက်ရန်နှင့် ပြုပြင်ဆုံးမပေးရန် တာဝန်ရှိသည်။