إعدادات العرض
dëddul àdduna kon Yàlla dana la bëgg, dëddul li ci nit ñi kon nit ñi danañu la bëgg
dëddul àdduna kon Yàlla dana la bëgg, dëddul li ci nit ñi kon nit ñi danañu la bëgg
Jële nañu ci Abii Al-Abbaas Sahl ibn Sahd As-Saahidii yal na ko Yàlla dollee gërëm mu wax ne: jenn waay dafa ñëw ci Yonnente bi yal na ko Yàlla dolli xéewal ak mucc, ne ko: yaw Yonnente Yàlla bi, tegtal ma jëf joo xam ne su ma ko defee Yàlla dana ma bëgg nit ñi it danañu ma bëgg, mu ne ko: "dëddul àdduna kon Yàlla dana la bëgg, dëddul li ci nit ñi kon nit ñi danañu la bëgg".
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල دری অসমীয়া پښتو O‘zbek Tiếng Việt Македонски Nederlands Kiswahili ភាសាខ្មែរ ਪੰਜਾਬੀ తెలుగు ไทย Moore አማርኛ Magyar Azərbaycan ქართული ಕನ್ನಡ ગુજરાતી Українська Shqip Кыргызча Српски Kinyarwanda тоҷикӣ Čeština தமிழ் नेपाली മലയാളം kmr ms Deutsch Lietuviųالشرح
Benn waay dafa laaj Yonnente bi yal na ko Yàlla dolli xéewal ak mucc mu tegtal ko jëf joo xam ne bu ko defee Yàlla bëgg ko nit ñi it bëgg ko, Yonnente bi yal na ko Yàlla dolli xéewal ak mucc ne ko: Yàlla dana la bëgg boo bàyyee desiitu àdduna si, ak lu la dul jariñ ca àllaaxira, ak nga bàyyi loo xam ne dafa am lorànge ci sa diine, nit ñi it danañu la bëgg boo dëddoo li nekk ci seen i loxo ci mbiri àdduna si; ndax ñoom dañu ko a bëgg ci seen jëmmi bopp, te ku ko xëccoo ak ñoom ñu bañ ko, ku leen ko bàyyeel nag ñu bëgg ko.فوائد الحديث
Ngëneelu dëddu àdduna, te mooy: ñu bàyyi lu dul jariñ ca àllaaxira.
Martabay dëddu moo gën a kawe fegu; ndax te fegu mooy bàyyi loo xam ne amaana muy lore, te dëddu mooy bàyyi lu dul jariñ ca àllaaxira.
As-Sindii nee na: àdduna nit ñi dañu ko a bëgg, ku koy xëccoo ak ñoom dañu koy mujj bañ ci kem tolluwaayu loola, ku leen bàyyi ak la ñu bëgg ñoom, day nekk ku ñu bëgg ci seen i xol ci kem tolluwaayu loola.
التصنيفات
Dëddu ak sàmm