فوائد الحديث

მოციქული მუჰამედის (ალლაჰის ლოცვა და მშვიდობა მას) გზავნილის საყოველთაო ხასიათი მთელი სამყაროსთვის. მისი გზის (შარიათის) მორჩილება სავალდებულოა, და ის აუქმებს მასზე წინ არსებულ ყველა კანონს და ანაცვლებს მისი კანონით (შარიათით).

იმას, ვინც შუამავალს (ალლაჰის ლოცვა და მშვიდობა მას) უარყოფს, არავითარ სარგებელს არ მოუტანს იმის მტკიცება, რომ მას სწამს წინა შუამავალების (ალლაჰმა დალოცოს ყველა მათგანი).

ვისაც არ სმენია შუამავლის მოწოდებები (ალლაჰის ლოცვა და მშვიდობა მას), და მასთან ისლამური მოწოდება არ მისულა, ის არის საპატიო მდგომარეობაში, და მისი მდგომარეობა იმქვეყნად(განკითხვის დღეს) დამოკიდებულია უზენაეს ალლაჰზე.

ისლამის მიღებას სარგებლობა მოაქვს თუნდაც სიკვდილის წინ, თუნდაც მძიმე ავადმყოფობის მდგომარეობაში, მანამ, სანამ სული ყელში არ მიაღწევს (რომ დატოვოს სხეული).

ურწმუნოთა რელიგიის (მათ შორის იუდეველებისა და ქრისტიანების) ჭეშმარიტად მიჩნევა წარმოადგენს ურწმუნოებას.

ჰადისში მოხსენიებულნი არიან იუდეველები და ქრისტიანები, რათა ხაზგასმული იყოს, რომ ეს დადგენილება ასევე ვრცელდება ყველა დანარჩენზე. ეს იმით არის განპირობებული, რომ იუდეველებსა და ქრისტიანებს აქვთ საკუთარი ზეციური წერილები, და თუ ეს მათზეც კი ასე ვრცელდება, მაშინ ისინი, ვისაც არ გააჩნიათ ასეთი წერილები, მით უმეტეს ვალდებულნი არიან ამას დაემორჩილონ. ყველა ადამიანი ვალდებულია მიიღოს მოციქული მუჰამედის (ალლაჰის ლოცვა და მშვიდობა მას) რელიგია, მისდიოს მას და დაემორჩილოს მას.