إعدادات العرض
အကြင်အရှင်မြတ်၏ လက်တော်တွင် မုဟမ္မဒ်၏ ဝိညာဥ်ရှိသည်။ ထိုအရှင်မြတ်ကိုတိုင်တည်၍ပြောမည်။ ဤအွမ္မသ်အနက်မှ…
အကြင်အရှင်မြတ်၏ လက်တော်တွင် မုဟမ္မဒ်၏ ဝိညာဥ်ရှိသည်။ ထိုအရှင်မြတ်ကိုတိုင်တည်၍ပြောမည်။ ဤအွမ္မသ်အနက်မှ ဂျူးဖြစ်စေ၊ ခရစ်ယာန်ဖြစ်စေ ငါကိုယ်တော်ကို ကြားသိပြီးနောက် ငါကိုယ်တော်နှင့်အတူ ချပေးခြင်းခံရသောအရာကိုမယုံကြည်ဘဲ သေဆုံးခဲ့သော် ထိုသူသည် ငရဲသားများအနက်မှပင်ဖြစ် သည်။
အဗူဟုရိုင်ရဟ်(ရဿွိယလ္လာဟုအန်ဟု)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သည်။ အကြင်အရှင်မြတ်၏ လက်တော်တွင် မုဟမ္မဒ်၏ ဝိညာဥ်ရှိသည်။ ထိုအရှင်မြတ်ကို တိုင်တည်၍ ပြောမည်။ ဤအွမ္မသ်အနက်မှ ဂျူးဖြစ်စေ၊ ခရစ်ယာန်ဖြစ်စေ ငါကိုယ်တော်ကို ကြားသိပြီးနောက် ငါကိုယ်တော်နှင့်အတူ ချပေးခြင်းခံရသောအရာကို မယုံကြည်ဘဲ သေဆုံးခဲ့သော် ထိုသူသည် ငရဲသားများ အနက်မှပင်ဖြစ်သည်။
الترجمة
عربي Bosanski English Español فارسی Français Bahasa Indonesia Русский Türkçe اردو 中文 हिन्दी বাংলা Kurdî Hausa Português മലയാളം తెలుగు Kiswahili தமிழ் සිංහල Deutsch 日本語 پښتو Tiếng Việt অসমীয়া Shqip Svenska cs ગુજરાતી አማርኛ Yorùbá ئۇيغۇرچە ไทย دری Кыргызча or rw so नेपाली roالشرح
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က အလ္လာဟ်အရှင်မြတ်ဖြင့်ကျိန်ဆို၍ ပြောကြားသည့်“ဤအွမ္မသ်အနက်မှ တစ်ဦးတစ်ယောက်သည်ကိုယ်တော်မြတ်ကိုကြားသိသည်”၏ ဆိုလိုရင်းမှာ ကိုယ်တော်၏ခေတ်၌ ရှိကြသူများနှင့် ကိုယ်တော်၏ နောက်ကိယာမသ်နေ့ထိ ရှိကြမည့်သူများကို ဆိုလို သည်။ “ယဟူဒီဖြစ်စေ၊ နဆွ်ရာနီဖြစ်စေ ငါကိုယ်တော်အား ကြားသိပြီးနောက် ငါကိုယ်တော်နှင့် အတူချပေးခြင်းခံရသောအရာကို မယုံကြည်ဘဲ သေဆုံးခဲ့သော် ထိုသူသည် ငရဲသားများအနက်မှပင်ဖြစ်သည်။”၏ ဆိုလိုရင်းမှာ မည်သည့် ယဟူဒီဖြစ်စေ၊ နဆွ်ရာနီဖြစ်စေ၊ ထို့အတူ အခြားမည်သူပင်ဖြစ်စေ ၎င်းထံသို့တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ (ဒအ်ဝဟ်)ဖိတ်ခေါ်မှု ရောက်ရှိပြီးနောက် ကိုယ်တော့်အား မယုံကြည်ဘဲ သေဆုံးခဲ့သော် ထိုသူသည် ငရဲဘုံတွင် အမြဲနေရမည့် ငရဲသားတို့အနက်မှပင် ဖြစ်သည်။ ဤသြဝါဒတွင် ယဟူဒီနှင့် နဆွ်ရာနီတို့ကိုဖော်ပြပြီး အခြားသူများကိုပါ သတိပေးထားခြင်းဖြစ်သည်။ အဘယ်ကြောင့်ဆိုသော် ယဟူဒီနှင့် နဆွ်ရာနီတို့တွင် ကောင်းကင်ကျကျမ်းရှိကြသည်။ ထိုသို့ကျမ်းရသူတို့၏ အခြေအနေသည် ဤသို့ဖြစ်မည်ဆိုလျှင် ကောင်းကင်ကျကျမ်း မရရှိသောအခြားသူတို့၏ အခြေအနေသည် ပို၍ပင်ဆိုးရွားသည်။ ထို့ကြောင့် ၎င်းတို့အားလုံးသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ သာသနာနှင့် အမိန့်နာခံမှုအတွင်းသို့ ဝင်ရောက်ရန် တာဝန်ရှိသည်။فوائد الحديث
အကြင်သူသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ကို မကြားသိခဲ့သည့်အပြင်၊ ၎င်းထံသို့ အစ္စလာမ်၏(ဒအ်ဝဟ်) ဖိတ်ခေါ်မှုလည်း မရောက်ခဲ့ပါက ထိုသို့သောသူမျိုးသည် ခြွင်းချက်ဖြစ်သည်။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)၏ နောက်လိုက်ရန် အရေးကြီးသည်။ ကိုယ်တော်၏ ရှရီအဟ်လမ်းစဥ်ဖြင့် လွန်လေပြီးသော ရှရီအဟ်လမ်းစဥ်အားလုံးသည် ပယ်ဖျက်ခြင်းခံလိုက်ရသည်။ သို့ရှိရာ တမန်တော်မြတ်အား ငြင်းပယ်သူသည် အခြားနဗီတမန်တော်(အလိုင်ဟိစ္စလာမ်)များကို အီမာန်သက်ဝင်ယုံကြည်ထားလျှင်လည်း ထိုယုံကြည်ချက်သည် ၎င်းအား အကျိုးမပေးနိုင်ပေ။
နောင်တမလွန်ကို မတွေ့မြင်ရသေးပါက ရောဂါပြင်းထန်ပြီး ကွယ်လွန်ရန်အလွန်နီးကပ်နေလျှင်လည်း အစ္စလာမ်ကိုလက်ခံခြင်းဖြင့် အကျိုးခံစားနိုင်သည်။
အကြင်သူသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ယူဆောင်လာသည့်သာသနာအနက်မှ အချို့ကို ငြင်းပယ်လျှင် ၎င်းငြင်းပယ်လိုက်သည့်အရာသည်(ကုရ်အာန်၊ဟဒီးစ်၌)ထင်ရှားပြတ်သားသော အထောက်ထားဖြင့် အတည်ဖြစ်လျှင် ထိုသူသည် ကာဖိရ်ဖြစ်ကြောင်း သာသနာ့ပညာရှင်အားလုံးတညီတညွတ်တည်းဖြစ်ကြသည်။