إعدادات العرض
((مسوگه‌ر خودێ دێ ل دویڤ زۆڕداری درێژكه‌ت هه‌تا دگریت، ده‌مێ گرت ئێدی به‌رناده‌ت
((مسوگه‌ر خودێ دێ ل دویڤ زۆڕداری درێژكه‌ت هه‌تا دگریت، ده‌مێ گرت ئێدی به‌رناده‌ت
ئه‌بو مووسا (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((مسوگه‌ر خودێ دێ ل دویڤ زۆڕداری درێژكه‌ت هه‌تا دگریت، ده‌مێ گرت ئێدی به‌رناده‌ت)) گۆت: پاشی ئه‌ڤ ئایه‌ته خواند: {وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}[هود: 102]، ئانكو: ((و كانێ چاوا من خه‌لكێ وان گوندێن زۆڕدار ب عه‌زابێ گرتن ده‌مێ وان بێئه‌مرییا من كرى، وه‌سا ئه‌ز دێ خه‌لكێ گوندێن دى ژى ب عه‌زابێ گرم ئه‌گه‌ر وان ب كوفرا ب خودێ و نه‌گوهدارییا وى زۆڕدارى ل خۆ كر. هندى گرتنا وییه ب عه‌زابێ يا ب ئێش و دژواره)).
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt සිංහල Kurdî Hausa Português മലയാളം తెలుగు မြန်မာ ไทย Deutsch 日本語 پښتو অসমীয়া Shqip Svenska Čeština ગુજરાતી Yorùbá Nederlands ئۇيغۇرچە Kiswahili தமிழ் دری Magyar ಕನ್ನಡ Кыргызча Lietuvių Malagasy Română Kinyarwanda नेपाली Српски Wolof Soomaali Moore Українська Български Azərbaycan मराठी ქართული тоҷикӣ Bambara Македонски አማርኛ Oromoo ភាសាខ្មែរ ਪੰਜਾਬੀ Italiano O‘zbek Fulfuldeالشرح
پێغه‌مبه‌ر (صه‌لات و سه‌لامێن خودێ ل سه‌ر بن) هشیاركرنێ دكه‌ت ژ زێده‌گاڤیكرن و به‌رده‌وامیدانێ ل سه‌ر زۆڕدارییێ ب كرنا گونه‌هان و شركێ و زۆڕداریكرنا ل خه‌لكی د مافێن واندا، چونكی خودایێ مه‌زن به‌ڕكێ ل دویڤ زۆڕداری درێژ دكه‌ت و خۆ لێ دگریت و ژییێ وی درێژ دكه‌ت و مالێ وی زێده دكه‌ت و له‌زێ ل سزادانا وی ناكه‌ت، به‌لێ ئه‌گه‌ر ڤی زۆڕداری هه‌ر ته‌وبه نه‌كر و نه‌زڤڕی بۆ لایێ خودێ؛ هنگێ خودێ دێ وی گریت و به‌رناكه‌ت، ژ به‌ر كو وی گه‌له‌ك گونه‌ھ یێن كرین. پاشی پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤ ئایه‌ته خواند: {وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}[هود: 102]، ئانكو: ((و كانێ چاوا من خه‌لكێ وان گوندێن زۆڕدار ب عه‌زابێ گرتن ده‌مێ وان بێئه‌مرییا من كرى، وه‌سا ئه‌ز دێ خه‌لكێ گوندێن دى ژى ب عه‌زابێ گرم ئه‌گه‌ر وان ب كوفرا ب خودێ و نه‌گوهدارییا وى زۆڕدارى ل خۆ كر. هندى گرتنا وییه ب عه‌زابێ يا ب ئێش و دژواره)).فوائد الحديث
مرۆڤێ ب ئاقل دڤێت له‌زێ د ته‌وبه‌كرنێدا بكه‌ت و نابیت ژ سزایێ خودێ پشتڕاست و بێمننه‌ت بیت، ئه‌گه‌ر هات و یێ به‌رده‌وام بوو ل سه‌ر زۆڕدارییا خۆ.
درێژكرنا به‌ڕكێ ل دویڤ زۆڕداران و هێلانا وان و له‌زنه‌كرن د سزادانا واندا ژ لایێ خودێڤه؛ هه‌می ڕاكێشان (ئیستیدراجه) و زێده‌كرنه بۆ عه‌زابێ ئه‌گه‌ر هات و وان ته‌وبه نه‌كر.
زۆڕداری ژ ئه‌گه‌رێن سزادانا خودایێ مه‌زنه بۆ ملله‌تان.
ئه‌گه‌ر خودێ جهه‌ك یان باژێره‌ك ژ ناڤبر و سزا ب سه‌ردا ئینا خوار؛ هنگی دبیت مرۆڤێن باش ژی د ناڤدا هه‌بن، ڤێجا ئه‌ڤ مرۆڤێن باش ل ڕۆژا قیامه‌تێ دێ ل سه‌ر وی تشتێ ئه‌و ل سه‌ر مرین كو باشییه هێنه ساخكرن و چ زیان ب وان ناكه‌ڤیت كو سزایێ دونیایێ ژ وان ژی گرتی.