إعدادات العرض
Nditu Mlungu akusamlechelela mundu jwakutenda yakusakala,kuwichila pa ndawi jatachisaka kumpa ilagasyo,wangamlekaga mtando wakutupa kwa ilewi yakwe
Nditu Mlungu akusamlechelela mundu jwakutenda yakusakala,kuwichila pa ndawi jatachisaka kumpa ilagasyo,wangamlekaga mtando wakutupa kwa ilewi yakwe
Ngai jikupitila kwa Abu Mussa Al-Ash'ariy-chisangalalo cha Mlungu chijale kwa welewo- wawatite kuti: Mtume jwa Mlungu-chanasa ni utendele wa Mlungu iwe pa Mtumejo-jwawechete kuti: "Nditu Mlungu akusamlechelela mundu jwakutenda yakusakala,kuwichila pa ndawi jatachisaka kumpa ilagasyo,wangamlekaga mtando wakutupa kwa ilewi yakwe"ni wawechete kuti: kaneko wawalasile malowe ganti: "{Yanatite kajonanje wandu wawanyosyaga malamusi ga Mlungu pakwatumichisya ilagasyo ligongo lyakutindana ni malamusi gangu nikanila kwawo mwa achimitume wangu,amo ni yampaka njile pakwajonanga wandu wane naga ali alitesile lupuso achimisyene pakanila mwa Mlungu nikunyosya malamusi gakwe nambo soni kwakanila achimitume wakwe,nditu ilagasyo ya Mlungu ikusawa yakupweteka mnope}. [Surah Hud:102]".
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Tiếng Việt සිංහල Kurdî Hausa Português മലയാളം తెలుగు မြန်မာ ไทย Deutsch 日本語 پښتو অসমীয়া Shqip Svenska Čeština ગુજરાતી Yorùbá Nederlands ئۇيغۇرچە Kiswahili தமிழ் دری Magyar ಕನ್ನಡ Кыргызча Lietuvių Malagasy Română Kinyarwanda नेपाली Српски Wolof Soomaali Moore Українська Български Azərbaycan मराठी ქართული тоҷикӣ Bambara Македонски አማርኛ Oromoo ភាសាខ្មែរ ਪੰਜਾਬੀ Italiano O‘zbek Fulfulde kmrالشرح
Mtume-chanasa ni utendele wa Mlungu iwe pa jwelejo-akutetela ya nsambo wakupelenganya pakulitenda lupuso kupitila pakutenda ikandu ya sambi, kum'bwanganya Mlungu ni ikandu ine,kwatenda lupuso wandu pangapa ikandu yakwenela kwapa,ligongo lyanti Mlungu akusamlechelela nikuchelewekasya mundu jwakutenda yakusakala nikumleuila yaka yakwe ni ipanje yakwe,wangamjanguisye kumpa ilagasyo;naga ali awele ngaujila mwa Mlungu,Mlungu akusampaga ilagasyo ni wangamlekaga mtando wakutupa kwa ilewi yakwe. Kaneko Mtume-chanasa ni utendele wa Mlungu iwe pa jwelejo-wawalasile malowe ga Mlungu ganti: {Yanatite kajonanje wandu wawanyosyaga malamusi ga Mlungu pakwatumichisya ilagasyo ligongo lyakutindana ni malamusi gangu nikanila kwawo mwa achimitume wangu, amo ni yampaka njile pakwajonanga wandu wane naga ali alitesile lupuso achimisyene pakanila mwa Mlungu nikunyosya malamusi gakwe nambo soni kwakanila achimitume wakwe,nditu ilagasyo ya Mlungu ikusawa yakupweteka mnope}. [Surah Hud:102]"فوائد الحديث
Ni iwele yakusosekwa kwa mundu jwa lunda lwakamulaga masengo chenene, kwanguya pakuwujila mwa Mlungu,nikuti akasawa pa utendele pakulitenda kuti Mlungu akwasunjila yambone naga ali mkutama umi wakutenda ya sambi.
Kumlechelela Mlungu kwakusiwalechelela wandu wakamula masengo gakusakala, ni ungajanguichisya kwapa ilagasyo,Mlungu akusaka kuti akasiwakwipusya pakwapa ilagasyo nikuti aweje ali mkwalundila ilagasyo yawo naga ali atesile ngaujila mwa Mlungu.
Kamula masengo gakusakala ni ligongo limo mu magongo gatendekasisye kuti ilagasyo ya Mlungu yapate wandu.
Mlungu naga asachile konanga musi, mukusawa kuti mmusimo mwana soni wandu wakamula masengo gambone,wandu sawu welewo tachijimusidwa lyuwa lya mbesi ali wanti wakamulaga masengo gambone pa chilambo, ni ngasapata chakupweteka chine chilichose mtando wakuti ilagasyo ya Mlungu yasimene imo ni wandu wakanila pa chilambo chapasi.